Aslan İsmayılovun əsl adı nə imiş? - ŞOK SƏNƏD
Bizi izləyin

Nida Xəbər

Aslan İsmayılovun əsl adı nə imiş? - ŞOK SƏNƏD

Hüquqşünas Aslan İsmayılovun adı "Aslan” yox, "Allahverdi” imiş.

Bu barədə Axar.az-a tanınmış jurnalist Taleh Şahsuvarlı məlumat verib. Onun sözlərinə görə, hazırda "Aslan İsmayılov” kimi tanınan şəxs vaxtilə valideynlərinin ona qoyduğu adı dəyişib:

"Əlbəttə, hər hansı bir şəxsin öz adını və soyadını dəyişməsi qanuni prosedurdur. Bu cür dəyişiklik etmək qanuni baxımdan sovet zamanı da mümkün idi. Lakin bir insanın öz adını dəyişməsinin həmişə müəyyən sosial-psixoloji səbəbləri olur. Mənim üçün məsələnin məhz bu tərəfi maraqlıdır”.

Taleh Şahsuvarlı bildirib ki, bir insanın öz adından narazı olması onda müəyyən pisxoloji təlatümlər yaradır, onun sosiallaşmasına neqativ təsir göstərir:

"Görünür, bu travmaların nəticəsidir ki, Aslan İsmayılov ayrı-ayrı adamların adını, soyadını düz tələffüz etməkdən çəkinir. Ancaq daha maraqlısı odur ki, o özünə "Aslan” adını qoyub. Ancaq bütün bioqrafiyası boyu bu adı doğrulda bilməyib”.

Taleh Şahsuvarlı onu da vurğulayıb ki, Allahverdi İsmayılovun valideynlərinin qoyduğu addan imtina etməsi onun karyera hərisliyi ilə bağlı ola bilər:

"Həmin sənədləri mənə təqdim edən qaynaq bu ehtimalı istisna etmədi. Belə ki, Allahverdi İsmayılov öz adını tornaçı işlədiyi zamanlarda dəyişib. Ali təhsil almaq, hüquq-mühafizə orqanlarında çalışmaq istəyirmiş. O dövrdə dini məzmunlu adlar Kommunist Partiyası tərəfindən bəyənilmirdi. Görün, bu adamın karyera hərisliyi hansı həddə olub ki, valideynlərinin ona qoyduğu, məzmununda "Allah” anlayışını daşıyan isimdən də imtina edib. Karyera, şöhrət naminə adından da imtina edən birindən hər şey gözləmək olar. Necə ki, həmin Allahverdi İsmayılov Sumqayıt hadisələri ilə bağlı məhkəmə prosesində dövlət ittihamçısı olaraq soydaşlarımıza ölüm hökmü tələb etmişdi”.

Oxumağa davam et
Reklam
Reklam

Gündəm