Nida Xəbər
Ermənistanın Kəlbəcərdə qəsəbə salması... - ŞƏRH
"Bu, birinci dəfə deyil ki, Ermənistan Azərbaycanın işğal altında olan torpaqlarında demoqrafik vəziyyəti köklü şəkildə dəyişməyə cəhd edir".
Bu sözləri Publika.az-a politoloq Elşad Mirbəşiroğlu deyib. O bildirib ki, bu qanunsuz hərəkətlərin sayı-hesabı yoxdur:
"Hətta bir müddət bundan əvvəl ermənilərin Azərbaycanın işğal altında olan torpaqlarına Suriya ərazisindən insanlar köçürdüyünə dair informasiyalar da yayılmışdı. Təbii ki, bütün bunlar sübut edir ki, Ermənistan danışıqlar masası ətrafında səmimiyyətdən qəti şəkildə uzaqdır. Kəlbəcər rayonu ərazisində ermənilərin qəsəbə salması və bundan başqa, Araz çayı boyunca yeni yol infrastrukturunun yaradılması istiqamətində atılan addımlar ondan xəbər verir ki, Ermənistan özünün işğalçılıq siyasətində israrlıdır. Onlar bu vəziyyətin aradan qaldırılmasında maraqlı deyillər. Məsələ bundadır ki, bu dərəcədə qanunsuz və ciddi faktlar ortaya atıldığı halda bu münaqişənin tənzimlənməsi ilə məşğul olan ATƏT-in Minsk qrupunun həmsədrləri seyirci mövqeyindədirlər. Bir məqama xüsusilə diqqət ayırmaq lazımdır ki, Amerikanın Ermənistanda olan səfirinin səlahiyyət müddəti artıq bitib. Yeni səfir isə hələ təyin edilməyib. Lakin maraqlısı odur ki, səlahiyyət müddəti rəsmi olaraq bitmiş ABŞ səfiri belə bəyanat verib ki, işğal edilən torpaqlar öz həqiqi sahiblərinə geri qaytarılmalıdır. Hesab edirəm ki, bu, özü də kifayət qədər konstruktiv bəyanatdır. Digər tərəfdən də Ermənistanın Azərbaycan ərazilərində qanunsuz əməllərinə davam etməsi, ATƏT-in Minsk qrupunun isə baş verənlərə reaksiya verməməsi bütövlükdə münaqişənin dinc yolla tənzimlənməsinə olan ümidləri əhəmiyyətli dərəcədə zəiflədir. Ona görə də, bu məsələ ilə bağlı çox ciddi şəkildə fəallıq nümayiş etdirmək zamanıdır. Azərbaycan heyəti ATƏT-in Minsk qrupu qarşısında ciddi iradlarla çıxış etməlidir. Mütləq şəkildə buna reaksiya verilməsini tələb etməlidir. Ermənistana zəruri təzyiqlər olmadıqca, bu kimi davranışların sayı artacaq. Ermənistan təbii ki, bunun cavabını almadıqca özünü cəzasız şəraitdə hiss edərək məsuliyyətsiz və sərsəm şəkildə aparmağa davam edəcəkdir".
Könül Cəfərli
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov
-
Səhiyyə18 Mart 18:40
Azərbaycanda dərmanlarla bağlı YENİ QAYDA