Nida Xəbər
Gələn il Qarabağ masasında razılaşma olacaqmı?
2019-cu ildə Dağlı Qarabağ münaqişəsinin həlli mümkün
olacaqmı?
Publika.az xəbər verir ki, rusiyalı şərhçi Mixail Belyayev
bu məsələni şərh edib.
Belyayev Azərbaycan xarici işlər naziri Elmar Məmmədyarovun
Milanda erməni həmkarı ilə qarşılıqlı anlaşmaya nail olduqları
haqqında bəyanatını xatırladıb: “Daha əvvəl Azərbaycan Prezidenti
İlham Əliyev bildirdi ki, bu gün Dağlıq Qarabağ münaqişəsinin həlli
üçün çox əlverişli şərait yaranıb. Prosesin təfsilatı məlum deyil,
lakin Bakı son həftələr “substantiv danışıqlar”ın aparılması
haqqında danışır və baş verənlər əslində belə danışıqların
başlandığı fikrini yaradır”.
Belyayev XİN rəhbərlərinin Milan görüşü haqqında Minsk qrupu
həmsədrlərinin bəyanatına toxunub və burada iki məqamın diqqət
çəkdiyini qeyd edib.
“Birinci: Həmsədrlər Düşənbədə münaqişə tərəfləri arasında operativ əlaqənin yaradılması ilə bağlı razılaşmanı salamladılar. Onlar tərəfləri sülhün davam etdirilməsinə dəvət etdi.
İkinci: Həmsədrlər Azərbaycan və Ermənistan
liderləri arasında yaxın gələcəkdə münaqişənin uzunmüddətli həllinə
hesablanmış intensiv və nəticəyə yönəlmiş dialoqun olacağına ümid
etdiklərini bildirdilər.
Birinci bənddə aydın görünür ki, həmsədrlər tərəflər arasında
etibarın möhkəmləndirilməsinin davam edəcəyini güman edirlər.
Hərçənd, Milan görüşünün bəyanatında bundan bəhs edilmir.
Azərbaycan Prezidenti İlham Əliyev girovların dəyişdirilməsi
məsələsində “hamı-hamıya” prinsipini təklif edir, Paşinyan bu
ideyaya müqavimət göstərir. Çünki Dağlıq Qarabağda separatçılar
tərəfindən tutulan azərbaycanlıları qaytarmalı olacaq, bu isə
erməni diplomatiyasının Qarabağ siyasətinə zərbə olacaq. Lakin
Ermənistanın girovların dəyişdirilməsi təklifinə qarşı çıxması
etibarın möhkəmlənməsi siyasətinə qarşıdır. Bakı Ermənistanla
sərhədə sərhəd qoşunlarını yerləşdirməklə etibarın
möhkəmləndirilməsi təşəbbüsləri üzərindən İrəvanı “bombalayır”. Bu
məsələdə təşəbbüsün Bakıya keçməsi erməni hökumətini ciddi
sarsıdıb.
İkinci bənd “substantiv danışıqların” aparılmasına çağırışın edilməsidir. Yüksək səviyyədə intensiv danışıqların təşkili ilə bağlı müzakirələr aparılır, XİN rəhbərləri yanvarda yenidən görüşəcəklər. Faktiki olaraq, Ermənistan danışıqlarda resurslarını və rıçaqlarını itirir. Seçki başa çatdı, hakimiyyət 70 faiz səs aldı, lakin Paşinyan bu səslə xarici siyasətdə manevr imkanlarını daraltdı. Eyni zamanda, qoşunların təmas xəttində görünməmiş sakitlik müşahidə olunur”.
Belyayev hesab edir ki, Paşinyan danışıqlarda “Qarabağı tərəf”
kimi göstərmək kartından istifadə etmək istəyirdi: “Lakin o, bu
iddianı təmin edə bilmədi və bu gün danışıqlar Bakı ilə İrəvan
arasında aparılır. Qarabağın tərəf olması ideyası ilə təkcə
Azərbaycan yox, həmsədrlər də razılaşmadı. Bununla yanaşı, Paşinyan
daxili siyasətdə “Qarabağ klanı”nı nəzərə alaraq, bu ideyanı kənara
qoyur. Beləliklə, Azərbaycan xarici işlər nazirinin bəyanatı o
haqda fikir yaradır ki, yeni ildə Bakı və İrəvan münaqişənin nizama
salınması ilə bağlı unikal şans əldə edə bilərlər. Tərəflərin buna
gedəcəyi yüksək səviyyəli ilk görüşdən sonra aydın olacaq”.
Asif
-
Avropa09:00
Putinin sabiq həyat yoldaşı Lyudmilanın hazırkı ərinin villası bu ölkədə müsadirə edildi
-
Nəqliyyat08:25
Paytaxtın bu yollarında tıxac yarandı - SİYAHI
-
Sağlamlıq07:37
Yaz aylarında infarkt riski artır - Hansı tədbirləri görmək lazımdır?
-
Ekopublika.az07:25
Azərbaycanda bəzi ərzaq məhsulları ucuzlaşdı - VİDEO
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO