Nida Xəbər
Kəmaləddin Heydərov Qətərdə səfərdə olub - FOTO
Fevralın 20-də Doha şəhərində Azərbaycan Respublikası Hökuməti ilə Qətər Dövləti Hökuməti arasında Birgə İqtisadi, Ticarət və Texniki Komissiyanın ikinci iclası keçirilib.
Publika.az Fövqəladə Hallar Nazirliyinin saytına istinadən xəbər verir ki, iclasda Azərbaycan Respublikası ilə Qətər Dövləti Hökuməti arasında Birgə İqtisadi, Ticarət və Texniki Komissiyanın həmsədrləri – Azərbaycan Respublikasının fövqəladə hallar naziri general-polkovnik Kəmaləddin Heydərov və Qətər Dövlətinin Baş nazirinin müavini, xarici işlər naziri Şeyx Mohammed bin Abdulrahman Al Taninin rəhbərlik etdikləri nümayəndə heyətləri iştirak ediblər.
Azərbaycan nümayəndə heyətini səmimiyyətlə salamlayan Komissiyanın həmsədri Qətər Dövlətinin Baş nazirinin müavini, xarici işlər naziri Şeyx Mohammed bin Abdulrahman Al Tani Azərbaycan Respublikasının Prezidenti cənab İlham Əliyevin 2017-ci ilin fevral ayında Qətərə etdiyi səfərin nəticələrinin əhəmiyyətini vurğulayıb. Baş nazirin müavini, həmçinin Bakıda keçirilmiş ilk iclasın yüksək səviyyədə təşkilinə və ekspertlər səviyyəsində görüşlərə görə təşəkkürünü bildirib.
Komissiyanın həmsədri Azərbaycan Respublikasının fövqəladə hallar naziri Kəmaləddin Heydərov səmimi qəbula görə təşəkkürünü bildirərək ikitərəfli münasibətlərin inkişafının iki dövlətin maraqları üçün böyük əhəmiyyət kəsb etdiyini söyləyib.
İclasda ikitərəfli əməkdaşlığın mövcud səviyyəsindən razılıq ifadə olunub, münasibətlərin bundan sonra da yüksələn xətlə davam etdirilməsinin vacibliyi vurğulanıb, qarşılıqlı maraq doğuran məsələlər ətrafında geniş müzakirələr aparılıb.
Həmsədrlər ikitərəfli əlaqələri daha da inkişaf etdirmək məqsədilə iqtisadiyyat, ticarət, investisiya, maliyyə, sənaye, enerji, nəqliyyat, təhsil, turizm, mədəniyyət və digər sahələrdə əməkdaşlığın davam etdirilməsi barədə razılığa gəliblər.
Görüşün sonunda Azərbaycan Respublikası Hökuməti ilə Qətər Dövləti Hökuməti arasında Birgə İqtisadi, Ticarət və Texniki Komissiyanın ikinci iclasının Protokolu imzalanıb. Protokolu Komissiyanın həmsədrləri – Azərbaycan Respublikasının fövqəladə hallar naziri Kəmaləddin Heydərov və Qətər Dövlətinin Baş nazirinin müavini, xarici işlər naziri Şeyx Mohammed bin Abdulrahman Al Tani imzalayıblar.
Səfər çərçivəsində nazir K.Heydərovun rəhbərlik etdiyi nümayəndə heyəti Qətər Dövlətinin Baş naziri və daxili işlər naziri Abdullah bin Nasser bin Xəlifə Al Tani ilə görüşüb. Görüş zamanı Azərbaycan Respublikası ilə Qətər Dövləti Hökuməti arasında Birgə İqtisadi, Ticarət və Texniki Komissiyanın əhəmiyyətindən danışılıb, iki ölkə arasında mövcud əlaqələrin genişləndirilməsinin mühümlüyü vurğulanıb.
-
Sosial10:31
Hətta xasiyyəti belə dəyişən ay - Daim içki içən şəxs Ramazanda oruc tutarsa...
-
Ekologiya09:57
Rayonlara qar yağdı, şaxta oldu - FAKTİKİ HAVA
-
Region09:24
Almanlar Ermənistanın Azərbaycan və Türkiyə ilə sərhədində görün nə edirlər - FOTO
-
Nida Xəbər 09:03
Mehriban Əliyevadan İlaxır çərşənbə ilə bağlı paylaşım - FOTO
-
Qoroskop08:34
Pul və sevgidə bəxti gətirəcək 3 BÜRC
-
Nəqliyyat08:22
Bakının bu yollarında tıxac yarandı - SİYAHI
-
Sağlamlıq07:08
Səhər oyanan kimi 5 ədəd qoz yesəniz, görün nələr olacaq...
-
Qoroskop00:34
Günün qoroskopu: axşam saatlarında pul gələcək...