• USD 1,7000 0,00% EUR 1,9105 0,00%
    • GBP 2,2102 0,00% RUB 0,0266 0,00%

Ramiz Rzayev: "Bu, dövlət müstəqilliyimizin bəhrəsidir"

Ramiz Rzayev: "Bu, dövlət müstəqilliyimizin bəhrəsidir"

“2018-ci il bir sıra əlamətdar hadisələrlə yadda qalıb. Bu hadisələrdən ən önəmlisi Azərbaycan Xalq Cümhurriyyətinin 100 illik yubleyinin təntənəli qeyd olunması olub. Məhkəmə-hüquq sisteminin tarixi qədim olsa da, yeni məhkəmə hakimiyyətinin formalaşması dövlət müstəqilliyimizin bəhrəsidir”.

Publika.az xəbər verir ki, bu sözləri Ali Məhkəmənin sədri Ramiz Rzayev bu gün keçirdiyi mətbuat konfransında deyib.

Ramiz Rzayev bildirib ki, Azərbaycan Respublikasının Prezidenti İlham Əliyev tərəfindən ölkəmizdə geniş miqyaslı sosial-iqtisadi və hüquqi islahatlar həyata keçirilir.

Onun sözlərinə görə, Azərbaycan Respublikasının qanunvericilik sistemi daim inkişaf edən və dəyişən ictimai münasibətlərin hüquqi tənzimlənməsinin təmin edilməsi məqsədi ilə mütəmadi olaraq təkmilləşdirilir, yeni qanunvericilik aktları qəbul edilir: "Ölkəmizin davamlı tərəqqisinin təmin edilməsi üçün sosial-iqtisadi və digər sahələrdə həyata keçirilən islahatlar məhkəmə-hüquq sisteminin inkişafında da yeni mərhələnin başlanmasını və bu sahədə davam edən islahatların dərinləşməsini zəruri edir. Prezident İlham Əliyevin “Məhkəmə-hüquq sistemində islahatların dərinləşməsi haqqında” aprelin 3-də imzaladığı Fərmanı ölkə başçısının məhkəmə hakimiyyətinə verdiyi müstəsna əhəmiyyətin növbəti təzahürü olmaqla, həyata keçirilən məhkəmə-hüquq islahatlarının mühüm tərkib hissəsidir. Əslində, bu Fərman məhkəmə-hüquq sistemində islahatların dərinləşməsini, yeni mərhələdə müasir tələblərə uyğun və sistemli davam etdirilməsini şərtləndirməklə məhkəmə sisteminin gələcək inkişafı üçün strateji prioritetləri müəyyən edən “yol xəritəsi”dir.

Dövlət başçısının proqram xarakterli Fərmanında məhkəmə hakimiyyətinə məhkəmə-hüquq sistemində kompleks qanunverici, institusional və praktiki tədbirlərin görülməsi, məhkəmə hakimiyyətinin nüfuzunun artırılması, cəmiyyətdə məhkəmələrə etimadın möhkəmlənməsi istiqamətində, eləcə də işlərə baxılarkən ədalət, qanunçuluq, qərəzsizlik, aşkarlıq, hər kəsin qanun və məhkəmə qarşısında bərabərliyinin təmin edilməsi və Azərbaycan Respublikası Konstitusiyası və qanunlarında təsbit edilmiş ədalət mühakiməsinin digər prinsiplərinə dönmədən riayət edilməsinə dair tövsiyyələr verilmişdir".

Ramiz Rzayev qeyd edib ki, fərmanda, eləcə də məhkəmə-hüquq sisteminin bütün sahələrini əhatə edən fəaliyyət istiqamətləri müəyyən edilməklə yanaşı, Ali Məhkəməyə məhkəmələrdə hüquqi məsələlərin həllinə yanaşmanın sabitliyini təmin etmək məqsədilə vahid məhkəmə təcrübəsinin formalaşdırılması üçün ciddi tədbirlərin görülməsi, ədalət mühakiməsinin keyfiyyətinin artırılması məqsədilə məhkəmə təcrübəsinin öyrənilməsi və ümumiləşdirilməsi sahəsində fəaliyyətinin gücləndirilməsi, həmçinin məhkəmə təcrübəsinin ümumiləşdirilməsi nəticəsində müəyyən edilmiş sistemli xarakter daşıyan nöqsanların aradan qaldırılması üçün müvafiq mexanizmlərin işlənib, hazırlanmasına dair tapşırıqlar verilib.

Ramiz Rzayev qeyd edib ki, “Elektron Hökümət”in tərkib hissısi olan “Elektron məhkımə” informasiya sistemi məhkəmə hakimiyyətinin və ədalət mühakiməsinin işini səmərələşdirən sistemdir: “Vətəndaşın məhkəməyə müraciət etmək hüququnun yaranması anından məhkəmə qərarının icraası tamamlamasına qədər bütün prosesləri əhatə edir. Bu da məhkəmə qərarlarının icrasını yaxşılaşdırır.”.

Məhkəmə sədrinin sözlərinə görə, Ali Məhkəmənin 27 əməkdaşı test imtahanlarını müvəfəqqiyyətlə verəkək 2018-ci ildə hakim seçilib. Onun sözlərinə görə, Ali Məhkəmənin mülki, cinayət və hərbi kollegiyalarında 2018-ci ildə buraxıllmış işlər 2017-ci ilin müvafiq dövrü ilə müqayisədə azalıb.

İlkin

loading...

Xəbər lenti

DAHA ÇOX XƏBƏR