• USD 1,7000 0,00% EUR 1,8427 0,00%
    • GBP 2,1034 0,00% RUB 0,0220 0,00%

Azərbaycanda parlament seçkiləri İsveçrə mətbuatında işıqlandırıldı

Azərbaycanda parlament seçkiləri İsveçrə mətbuatında işıqlandırıldı

İsveçrənin Şərqi Avropa, Cənubi Qafqaz və Mərkəzi Asiya üzrə Ticarət Palatasının internet səhifəsində "Azərbaycandakı islahatlar İsveçrə şirkətlərinə nə vəd edir?" başlıqlı məqalə dərc edilib. https://www.jointchambers.ch/jcc-news/what-reforms-in-azerbaijan-promise-for-swiss-companies.html .

Publika.az-ın məlumatına görə, məqalədə qeyd edilib ki, Azərbaycanda geniş vüsət alan struktur və iqtisadi islahatlar 2019-cu ildə pik həddə çatıb, dövlət idarəçiliyində gəncləşmə siyasəti aparılıb, hakimiyyət qurumları yenidən formalaşdırılıb. Ölkə Parlamenti də bu islahatlardan kənarda qalmayıb və qanunverici orqanın islahatların artan sürətinə uyğunlaşması üçün ölkədə növbədənkənar parlament seçkiləri elan olunub.

Vurğulanıb ki, 2020-ci il fevralın 9-da keçirilən Parlament seçkilərində 125 mandat uğrunda 1300 namizəd mübarizə aparıb ki, bu da seçkilərin yüksək rəqabət şəraitində keçdiyinə dəlalət edir. Seçkilərin xalqın iradəsini əks etdirdiyi və yeni Parlamentdən ölkədə islahatlar prosesini daha da sürətləndirəcəyinin gözlənildiyi qeyd edilib.

Məqalədə daha sonra qeyd olunur ki, aparılan islahatlar nəticəsində Azərbaycanın ÜDM-i 2019-cu ildə 2.2% artıb, qeyri-neft sektorunda artım isə 3.5% olub. İnflyasiyanın 2.6% səviyyəsində qalması, strateji valyuta ehtiyatlarının isə 6.4 milyard artaraq 51 milyard ABŞ dollarına çatdığı bildirilib. Vergi və gömrük sektorlarında aparılan islahatlar sayəsində 2019-cu ildə büdcəyə vergi gəlirlərinin 3.5% artdığı vurğulanib.

Azərbaycanda aparılan islahatların beynəlxalq təşkilatların da diqqətindən qaçmadığı qeyd edilib. Dünya Bankının "Doing Business 2019" hesabatının Azərbaycanı dünyanın 20 aparıcı islahatçısı siyahısına daxil etdiyi, Ümumdünya İqtisadi Forumunun Qlobal Rəqabətlilik hesabatında isə Azərbaycan 11 pillə irəliləyərək 58-ci pilləyə yüksəldiyi bildirilib.

Sonda Azərbaycanda aparılan islahatların İsveçrə şirkətləri üçün də böyük imkanlar açdığı qeyd edilərək, "Stadler Rail" və "Holcim" kimi şirkətlərin uğur hekayələrinin digər İsveçrə şirkətlərini də siyasi cəhətdən sabit və iqtisadi cəhətdən imkanlarla zəngin olan Azərbaycana diqqət yetirməyə həvəsləndirməli olduğu vurğulanıb.

Halal Nemət

Xəbər lenti

DAHA ÇOX XƏBƏR