• USD 1,7000 0,00% EUR 1,8842 -0,53%
    • GBP 2,1060 -0,58% RUB 0,0214 -0,47%

MSK jurnalistin şikayətini təmin etmədi

MSK jurnalistin şikayətini təmin etmədi

MSK-nın iclasında 28 saylı Sabunçu üçüncü seçki dairəsi üzrə namizəd Aygün Süleymanlının (jurnalist Aygün Muradxanlı) şikayətinə baxılıb.

Publika.az xəbər verir ki, MSK üzvü İlham Məmmədov bildirib ki, ərizəçi şikayətində seçki dairəsi üzrə nəticələrin ləğvini xahiş edib.

Onun sözlərinə görə, bir neçə məntəqə istisna olmaqla, digər məntəqələr üzrə qanun pozuntuları barədə şikayət təsdiqini tapmayıb və bu pozuntular da həmin məntəqələrdə nəticələrin ləğvinə əsas vermir.

İclasda iştirak edən Aygün Süleymanlı bununla razılaşmadığını bildirib. O qeyd edib ki, sosial şəbəkələrə həmin seçki dairəsi üzrə seçki pozuntularına dair videolar yerləşdirib.

Ancaq MSK sədri Məzahir Pənahov bildirib ki, sosial şəbəkədə bu seçki dairəsi üzrə cəmi iki video yerləşdirilib. Bunlar 12 və 13 saylı seçki məntəqələri ilə bağlıdır: "Namizəd razılaşmadığı məqamlarla bağlı məhkəməyə müraciət etmək hüququna malikdir. Şikayətə təqdim olunan əlavələr yekun protokola daxil ediləcək".

Müzakirələrdən sonra şikayət əsassız sayıldığından təmin edilməyib.

Halal Nemət

Xəbər lenti

DAHA ÇOX XƏBƏR