Bu, Qarabağ məsələsinin həlli üçün vacibdir - Deputat

Qərbi Azərbaycandan 100 minlərlə insanın 1948-1953-cü illərdə kütləvi deportasiya aktına hüquqi-siyasi qiymət verilməlidir. Bu, Qarabağ məsələsinin həlli üçün də vacibdir.

Publika.az xəbər verir ki, bu sözləri millət vəkili Əziz Ələkbərli parlamentdə çıxışı zamanı deyib.

O əlavə edib ki, ümummili lider Heydər Əliyev 18 dekabr 1997-ci ildə “1948-1953-cü illərdə azərbaycanlıların Ermənistan SSR ərazisindəki tarixi-etnik torpaqlarından kütləvi surətdə deportasiyası haqqında” fərman imzalayıb: “Bu tarixi sənəd azərbaycanlıların Ermənistan SSR ərazisindəki tarixi-etnik torpaqlarından kütləvi surətdə deportasiyasının hərtərəfli tədqiq edilməsini, Azərbaycan xalqına qarşı dövlət səviyyəsində həyata keçirilən bu tarixi cinayətə hüquqi-siyasi qiymət verilməsini və onun beynəlxalq ictimaiyyətə çatdırılması məqsədilə işlər görülməsini nəzərdə tutub”.

Millət vəkili qeyd edib ki, bu istiqamətdə ciddi işlərin aparılması Ermənistanda olan revanşist qüvvələrə ciddi cavab olardı.