Əfv sərəncamının icrası BAŞA ÇATDI - YENİLƏNDİ

Azərbaycan Respublikasının Prezidenti İlham Əliyevin martın 18-də imzaladığı “Məhkum edilmiş bir sıra şəxslərin əfv olunması haqqında” sərəncamın icrası başa çatıb.

Publika.az xəbər verir ki, sərəncam ümumilikdə 625 nəfərə şamil olunub.

***

Azərbaycan Respublikasının Prezidenti İlham Əliyevin martın 18-də imzaladığı əfv sərəncamın icrasına başlanılıb.

Publika.az xəbər verir ki, Prezidentin imzaladığı sərəncamla 475 məhkum cəzanın çəkilməmiş hissəsindən azad edilib, azadlıqdan məhrum etmə cəzasına məhkum edilmiş 98 nəfərin cəzasının çəkilməmiş hissəsi yarıyadək azaldılıb, ömürlük azadlıqdan məhrum etmə cəzasına məhkum edilmiş 3 nəfərin cəzası 25 il müddətə azadlıqdan məhrum etmə cəzası ilə əvəz edilib.

Azadlıqdan məhrum etmə cəzasına məhkum edilmiş və cəzasının çəkilməsi təxirə salınmış 3 nəfər, azadlıqdan məhrumetmə cəzasına şərti olaraq məhkum edilmiş 2 nəfər, cərimə cəzasına məhkum edilmiş 23 nəfər cəzadan azad ediliblər.

Azadlığın məhdudlaşdırılması cəzasına məhkum edilmiş 9 nəfər, islah işləri cəzasına məhkum edilmiş 12 nəfər cəzanın çəkilməmiş hissəsindən azad ediliblər.

Sərəncam 6 xarici ölkədən olan 23 əcnəbiyə də şamil olunub.