Aqil Məmmədov: “Məhkəmənin köçkünün yaşadığı evi əlindən alması yanlışdır”

“Kəlbəcər rayonundan məcburi köçkünlərin problemləri ilə əlaqədar müvafiq qurumlara müraciət edirəm. Son zamanlar mənə məcburi köçkünlərin çoxsaylı müraciətləri daxil olub. Onlar bildirirlər ki, məhkəmə qərarı ilə məskunlaşdığı yaşayış yerlərindən çıxarılırlar”.

Publika.az xəbər verir ki, bunu parlamentdə çıxışı zamanı deputat Aqil Məmmədov deyib.

Deputat xatırladıb ki, Prezident İlham Əliyev bu məsələlərlə bağlı zamanında qəti münasibətini ifadə edib: “Torpaqlarımız işğaldan azad edildikdən sonra bu məsələ yenidən gündəmə gəlib. Məhkəmənin qərarı ilə, evlə təmin edilmədən məcburi köçkünlər məskunlaşdığı ərazilərdən çıxarılır. Axı məcburi köçkünlərin taleyi nəzərə alınmalıdır. Anlayıram ki, qaçqınların yaşadığı yerlər özəlləşdirilib. Mənə 10 nəfər müraciət edilib. Əgər bunlar evlə təmin edilməyəcəksə, harada yaşayacaq? Hesab edirəm ki, bu məsələ nəzərə alınmalıdır. Məhkəmə qətnamə çıxaranda əlavə qeyd edilməlidir ki, məcburi köçkünlər evlə təmin edildikdən sonra məskunlaşdığı yaşayış yerindən çıxarıla bilər”.