Nida Xəbər

Deputat həbs edildi: Rusiya kəşfiyyatı ilə əməkdaşlıq edirmiş

31 Yanvar 2023 15:17

Ukrayna Təhlükəsizlik Xidməti Donbasda təmas xəttində ölkədə fəaliyyəti qadağan edilmiş “Müxalifət Platforması - Həyat Naminə” partiyasından olan Seversk Şəhər Şurasının deputatının saxlanıldığını açıqlayıb.

Publika.az xəbər verir ki, o, Rusiya kəşfiyyatı ilə əməkdaşlıqda ittiham olunur.

Xüsusilə, o, teleqram kanallarından birinin və anonim messencerlərin çatında Ukrayna Silahlı Qüvvələri haqqında məlumat ötürməkdə ittiham olunur.

“Toplanan sübutlara əsasən, Ukrayna Təhlükəsizlik Xidməti müstəntiqləri hadisədə iştirak edən şəxsə ittiham irəli sürüblər. Məhkəmə həbs qətimkan tədbiri seçib”, - deyə xidmətin açıqlamasında bildirilir.

Ukrayna Ədliyyə Nazirliyi 2022-ci ilin yayında “Müxalifət Platforması - Həyat Naminə” partiyasını Rusiyameylli siyasət yürütməkdə ittiham edərək fəaliyyətini qadağan edib. Fraksiya buraxılıb, lakin onun deputatları parlamentdə fəaliyyətini davam etdirərək yeni birliklərə qoşulublar.

Səxavət