Silah ehtiyatı artırılır: ABŞ Çinlə qarşıdurmaya hazırlaşır

Hazırda Tayvan və ABŞ arasında “silah-sursat ehtiyatı”in yaradılması barədə danışıqlar gedir. Tayvanın müdafiə naziri Çiu Qo-çen bu haqda parlamentdə danışıb. Tayvan uzun müddətdir ABŞ-dan silahlar alır, amma Çinin son “blokada imitasiyaları” göstərdi ki, hərbi əməliyyatların başlayacağı təqdirdə Tayvanın böyük silah-sursat ehtiyatına ehtiyacı olacaq. Çünki blokada şəraitində silah tədarükündə problemlər yarana bilər.

Publika.az yenipress.az-a istinadən xəbər verir ki, bu sözləri politoloq Kamran Cəfərov Tayvana qarşı mümkün eskalasiya barədə qeyd edib.

O, xatırladıb ki, Tayvan ABŞ-dan uzun illərdir qırıcılar və raketlər alır, amma Çinin mümkün olan hərbi müdaxiləsinin birinci dalğasını qarşılamaq üçün mobil silahlara ehtiyac olacaq: “Javelin”lər, “Stinger”lər, minalar və minaatanlar…

“Bundan əlavə ABŞ-la mütəmadi əlaqə saxlamaq və kəşfiyyat məlumatları almaq üçün mobil radiolokasiya stansiyaları lazımdır. Hazırda ABŞ hərbi sənayesi öz gücünü işə salır, Pentaqonla böyük müqavilələr bağlanır.

ABŞ-da hər 2 partiyanın (Respublikaçılar və Demokratlar – red.) Tayvana dəstəyi birmənalı və qeyd-şərtsizdir. Bu çox vacib məqamdır.

Bundan əlavə bir müddət qabaq ABŞ Prezidenti Co Bayden bəyan etmişdi ki, Çinin Tayvana mümkün hərbi müdaxiləsi zamanı ABŞ müharibəyə qarışmağa məcbur olacaq”.