Nida Xəbər

İlham Əliyevin bu sözləri erməniləri qorxuya salıb

30 Sentyabr 2023 11:16

Azərbaycan Prezidenti İlham Əliyevin 24 saatlıq antiterror əməliyyatı ilə bağlı dediyi sözlər erməniləri qorxuya salıb.

Publika.az xəbər verir ki, Ermənistan mətbuatı İlham Əliyevin bu fikirlərini yayıb:

“Antiterror tədbirləri 24 saatdan az davam etdi. Onun necə bitdiyini indi hamı bilir. Davam etdikmi? Xeyr, dayandıq. Davam etmək fikrimiz yox idi. Davam etmək istəsəydik, harada dayana biləcəyimizi təxmin etmək çətin deyildi”.

Ermənilər iddia edirlər ki, İlham Əliyev bu sözləri boşuna deməyib, xəbərdarlıq edib ki, əgər davam etsəydik, Azərbaycan Ordusu Süniki (Zəngəzur) tutacaqdı.

Azərbaycan Prezidenti həmin çıxışında bildirib ki, biz Ermənistanın ərazi bütövlüyünü tanıyırıq və bunu tam məsuliyyətlə bəyan edirik:

“Əgər başqa niyyətimiz olsaydı, sentyabrın 20-də əməliyyat dayanmazdı. İstəyirəm ki, hamı bunu bilsin”.