İrəvan üçün kabus bundan sonra başlayır: Əliyev bu əraziləri də tələb edir

İrəvan Azərbaycanla sülh müqaviləsi layihəsinin mətninin təsdiq edildiyini elan etdikdən sonra Ermənistanda bu yöndə geniş müzakirələr başlayıb.

Publika.az xəbər verir ki, Ermənistan mətbuatında bu məsələ ilə bağlı müxtəlif versiyalar səslənir.

Bəzi politoloqlar iddia edirlər ki, İrəvan üçün əsl kabus bundan sonra başlayacaq.

“Hraparak” qəzeti mənbələrinə istinadən yazıb ki, Əliyev nə dəhliz məsələsindən, nə Konstitusiyanın dəyişdirilməsindən, nə də azərbaycanlıların Ermənistana və anklavlara köçürülməsi ideyasından əl çəkmir.

“Parlamentin son qapalı iclaslarından birində Nikol Paşinyan komandasına bildirib ki, Əliyev Kərkini, eləcə də Qazaxın anklav olan 3 kəndini tələb edir. “Yerkrapah” təşkilatının sədri, KP İdarə Heyətinin üzvü Sasun Mikaelyan qapalı iclasda Paşinyana sual verib: “Kərkini Artsvaşenlə (Başkənd) əvəz etmək olmazmı? Aydındır ki, Kərkinin alınması ilə Sünik və Vayots Dzorun (Dərələyəz) Ermənistanın qalan hissəsi ilə əlaqəsi kəsiləcək”.

Paşinyan bu sualdan hiddətlənib: “Siz məni cinayətə sövq edirsiniz? Mən Ermənistan Respublikasına məxsus ərazi ilə bağlı birtərəfli qərar qəbul edib öz imzamla Artsvaşeni Azərbaycanın tərkibinə necə verə bilərəm?”, - nəşr yazıb.

Tural