Şahin Mustafayev Pezeşkianla görüşdü
Bizi izləyin

Nida Xəbər

Şahin Mustafayev Pezeşkianla görüşdü

Şahin Mustafayev Pezeşkianla görüşdü

Baş nazirin müavini Şahin Mustafayevin rəhbərliyi ilə Tehranda səfərdə olan Azərbaycan nümayəndə heyəti İran Prezidenti Məsud Pezeşkian tərəfindən qəbul edilib.

Bu barədə Publika.az-a Nazirlər Kabinetindən məlumat verilib.

Ş. Mustafayev Azərbaycan Prezidenti İlham Əliyevin salamlarını M. Pezeşkiana çatdırıb. İran Prezidenti təşəkkürünü bildirib və öz növbəsində xoş arzularını ifadə edib.

Görüş zamanı xalqlar arasındakı ortaq tarixi və mədəni bağların ikitərəfli əlaqələrin inkişafı üçün möhkəm zəmin yaratdığı qeyd olunub, Azərbaycan ilə İran arasında dostluq və mehriban qonşuluq münasibətlərinin mövcud vəziyyəti yüksək qiymətləndirilib. İki ölkə arasında iqtisadiyyat, ticarət, nəqliyyat və enerji sahələrində əməkdaşlığın daha da genişləndirilməsi perspektivləri müzakirə edilib.

Regionda həyata keçirilən birgə layihələrin uğurla davam etdirilməsinin hər iki ölkənin və ümumilikdə bölgənin inkişafına mühüm töhfə verəcəyi vurğulanıb.

Oxumağa davam et
Reklam
Reklam

Gündəm

Zəfaran Hospital
Səba