Paşinyan Zəngəzur dəhlizi haqda: Vaxt itirmək istəmirik, başlamışıq

Ermənistan Respublikası hökuməti artıq "Beynəlxalq Sülh və Rifah üçün Tramp Marşrutu" (TRIPP) layihəsinin həyata keçirilməsinə başlayıb.

Publika.az xəbər verir ki, Ermənistanın Baş naziri Nikol Paşinyan bunu 2 noyabrda parlamentin daimi komitələrinin birgə iclasında 2027-ci il üçün dövlət büdcəsi layihəsinin müzakirəsi zamanı açıqlayıb.

"Ermənistan hökuməti, sonrakı proseslər təşkil olunmazdan əvvəl belə, öz təşəbbüsü ilə TRIPP layihəsi çərçivəsində dəmir yolu, avtomobil yolu və elektrik xətlərində layihələndirmə işlərinə başlayacaq. Biz vaxt itirmək istəmirik. TRIPP inkişaf şirkəti yaradılan kimi Ermənistan hökuməti tamamlanmış işləri ona təhvil verəcək", - Baş nazir bildirib.

Paşinyan vurğulayıb ki, bu layihə sayəsində Ermənistan 30 ildən çoxdur davam edən blokadanı dəf edə biləcək.

"TRIPP layihəsinin həyata keçirilməsi nəticəsində Ermənistanın bütün istiqamətlərdə - həm Şərq-Qərb, həm də Şimal-Cənub istiqamətində maneələri aradan qaldıracağı dəqiq və birmənalı şəkildədir. Lakin bütün bu istiqamətlərdə maneələrin aradan qaldırılması bütün infrastrukturun TRIPP layihəsinin bir hissəsi olacağı anlamına gəlmir. TRIPP layihəsinə Nrnadzor-Karçevan dəmir yolu, eləcə də elektrik xətləri və avtomobil yolu daxil olacaq. Qaz və neft boru kəmərləri məsələləri daha sonra müzakirə olunacaq", - Paşinyan deyib.

Müəllif: Tural