Dünya Bankı Azərbaycanla bağlı proqnozunu dəyişdi

Dünya Bankı 2015-ci ildə Azərbaycanda Ümumi Daxili Məhsulun artımını 2 faiz proqnozlaşdırır.

Publika.az xəbər verir ki, bu barədə bankın “Global Economic Prospects” hesabatında deyilir.

Xatırladaq ki, Dünya Bankı (DB) iyul ayına olan hesabatında 2015-ci il üzrə Azərbaycanda ÜDM-nin artımını 1,5 faiz səviyyəsində proqnozlaşdırırdı.

DB 2016-cı il üzrə ÜDM artımını 2,6 faiz, 2017-ci il üzrə 2,7 faiz proqnozlaşdırır.

İnflyasiya səviyyəsinə gəlincə, bank 2015-ci ildə ölkədə inflyasiya səviyyəsinin 7,5, 2016 və 2017-ci illərdə 4,1 faiz gözlənildiyini iddia edir.

Bundan başqa, hesabatda qeyd edilir ki, 2015-ci ilin dövlət büdcəsinin kəsiri ÜDM-nin 3,4 faizinə bərabər olacaq. 2017-ci ildə isə büdcədə profisit yaranacaq. Bu rəqəm ÜDM-nin 0,7 faizini təşkil edəcək.

İqtisadiyyat şöbəsi