Ötən ay daha çox təyyarə yanacağı satmışıq

Bu ilin oktyabr ayında 74 min 317 ton dizel yanacağı, 23 min 166 ton təyyarə yanacağı ixrac edilib.

Publika.az SOCAR-ın Marketinq və İqtisadi Əməliyyatlar İdarəsinə istinadən xəbər verir ki, ümumilikdə, 2015-ci ilin yanvar-oktyabr ayları ərzində 781 min 599 ton dizel yanacağı, 201 min 360 ton təyyarə yanacağı və 280 ton soba mazutu ixrac olunub. 2015-ci ilin oktyabr ayında dünya bazarında etilləşdirilmiş benzinin qiyməti (1 ton üçün) 485,31 dollar, təyyarə yanacağının qiyməti 454,88 dollar, dizel yanacağının qiyməti 433,11 dollar, 1% kükürdlü mazutun qiyməti 231,63 dollar təşkil edib.

Məlumat üçün bildirək ki, 2015-ci ilin sentyabr ayında 56 min 484 ton dizel yanacağı, 18 min 727 ton təyyarə yanacağı ixrac olunub.

İqtisadiyyat şöbəsi