Digər
Qəribə və mistik ölümlər – Siyahı
İnsan bu dünyaya sadəcə qonaq kimi gəlir. Necə deyərlər, “bu dünya pəncərədir, hər gələn baxıb gedər”.
Amma bəzi insanların bu dünyaya gəlişləri yox, məhz gedişləri daha
mistik və daha maraqlı, hətta deyərdim, çox qəribə olur.
Əvvəlcə keçmişə səyahət edək.
Kəsik başın intiqamı
1892-ci ildə “Nəhəng” ləqəbli kral Siqurd Orkineyski döyüş zamanı
düşmən cəngavərinin başını qılıncla üzür. Qələbəni qeyd edən kral
kəsik başı atının yəhərinə bağlayır. Siqurd atı çaparkən kəsik baş
onun ayağını dişləyir. Sonradan dişlək yeri irinləməyə başlayır və
kral qan zəhərlənməsindən ölür. Belə desək, kəsilmiş başı ölmüş
cəngavərin qisasını alır.
1478-ci ildə Klarensk hersoqu Corc Plantanaqet ölüm cəzasına məhkum
olunur. Ona öz edam üsulunu seçməyi təklif edirlər. Yəni, zadəgan
olduğuna görə hörmət edirlər ki, nə cür ölmək istəyirsən, buyur
seç. Hersoqun arzusu ilə onu çaxır dolu çəlləkdə batırırlar.
1469-cu ildə isə digər aristokrata, ser Artur Astona sui-qəsd olur.
Düşmənləri şikəst zadəganın ayağındakı dəmir protezləri çıxarır və
elə bu protezlə onu döyərək öldürürlər.
1771-ci ildə İçveç kralı Adolf Frederik qulluqçulara bol yeməkli
şam yeməyi sifariş edir. Qarınqululuğu ilə məşhur olan kral bir
oturuma lobster, hisə verilmiş balıq, kələm şorabası, balıq kürüsü,
14 çeşiddə başqa desert yemək yeyir. Bunlarla birlikdə çoxlu şampan
şərabı da içir. Nəticədə kral partlamaya düşərək ölür.
Öz-özünə alışıb yanan meyit
Keçək zəmanəmizə. Yunan əsilli Mariya Pantazapulos toydan sonra bal
ayını əri ilə birgə Monrealda keçirirdi.
Təzə gəlin yerli fotoqraflardan birinə pul verərək çay kənarında
fotosessiya etmək fikrinə düşür. Nə biləydi ki, fotosessiya zamanı
çaya düşərək batacaq.
Devid Pendlton adlı britaniyalı isə qəbiristanlıqda sevimli arvadının məzarını tez-tez ziyarət edirdi. Hətta arvadının qəbrinin yanında özünə də məzar qazdırmışdı. Bir gün yenə arvadının qəbri üstünə gələndə soyğunçular Devidi gülləyib özü üçün hazırladığı qəbirə tulladılar.
1998-ci ildə Konqo Demokratik Respublikasında beynəlxalq səviyyəli futbol matçı keçirilirdi. Hava yağmurlu olsa da, yerli milli komandanın oyununa xeyli tamaşaçı gəlmişdi. Birdən şimşək çaxır və futbol meydançasına ildırım düşür. Qonaq komandanın meydanda olan bütün üzvləri həlak olur. Qəribədir ki, yerli komandadan heç kimin burnu belə qanamadı.
Daha bir sirli ölüm – 2013-cü ilin fevralında ABŞ-ın Maldrou
şəhərində yerli polis evlərdən birində 65 yaşlı Denni Vanzattın
yanmış meyitini tapır. Qəribə burası idi ki, Denni yansa da,
döşəmədə yanıq izi yox idi. Onda polis ehtimal edir ki, bəlkə,
mərhumu başqa yerdə yandırıb sonra evinə gətiriblər. Amma
ekspertizadan cavab gəlir ki, Denni Vanzart elə tapıldığı yerdə
olub. Kimsə ona toxunmayıb, kənara aparılmayıb. Yaxşı, Denni
alışıb-yanıbsa, bəs otaqda niyə yanıq izi yoxdur? Bu suala nə
istintaq, nə ekspertiza cavab tapdı. Sirli ölüm açılmamış
qaldı.
İlqar Atabəyli
-
Nida Xəbər 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi