Digər
Mərkəzi Bankın valyuta ehtiyatları daha azalmayacaq
Mərkəzi Bank valyuta ehtiyatları 27 faiz azalıb.
Publika.az xəbər verir ki, Mərkəzi Bank valyuta ehtiyatlarının martın 1-nə olan həcmini açıqlayıb. Fevral ayında ehtiyatın həcmi 13,2% və ya 1,676 milyard dollar azalaraq 11 milyard dollara düşüb. Bu, son 33 ayda ən aşağı həddir. Sonuncu dəfə 2012-ci ilin may ayında ehtiyatın həcmi 10,89 milyard dollar olub.
Mərkəzi Bankın rəsmi valyuta ehtiyatları artıq 7-ci aydır azalma tendensiyası nümayiş etdirir. Ötən ilin iyul ayında ehtiyatın həcmi özünün ən yüksək həddində olub – 15,2 milyard dollar. Sonrakı aylarda dünya bazarında neftin ucuzlaşması və Rusiyaya sanksiyaların tətbiq edilməsi səbəbindən azalma müşahidə edilib. Manatın sabitliyi üçün Mərkəzi Bank son üç ayda valyuta ehtiyatının 27%-ni itirib. Dekabr-fevral aylarında ehtiyat təxminən 4 milyard dollar azalıb.
İqtisadçı-ekspert Samir Əliyev deyir ki, Mərkəzi Bankın valyuta azalmasına səbəb son dövrlər manata güclü təzyiqin olması fonunda devalvasiya gözləntilərinin yaratdığı panikadır. Əhalinin kütləvi şəkildə dollar alışına başlaması nəticəsində dollara tələbat artdı və Mərkəzi Bankın bazara intervensiyasını kəskin artırdı: “Əgər proses belə davam etsəydi qısa müddətdə valyuta ehtiyatı “əriyərdi”. Çünki xüsusilə də yumşaq devalvasiya zamanı gündəlik intervensiyanın həcmi 500 milyon dollar olub.
Hökumət kəskin devalvasiyaya getdikdən sonra intervensiya, demək olar ki, yox səviyyəsindədir. Buna görə də, fikrimcə, növbəti aylarda Mərkəzi Bankın ehtiyatlarının kəskin azalması müşahidə edilməyəcək. Azalma tempi aşağı düşəcək. Hər bir halda hər şey dünya bazarında neftin qiymətinin dəyişmə istiqamətindən asılı olacaq. Ehtiyatın azalmasına həm də valyuta ehtiyatına daxil edilən avronun ucuzlaşması da səbəb olub. Ötən ay dollara münasibətdə avro 0,8% ucuzlaşıb, funt sterlinq isə 2,5% bahalaşıb. Funtun bahalaşmasına rəğmən, Mərkəzi Bankın valyuta ehtiyatının ikinci ən çox paya malik avronun ucuzlaşması azalmanı şərtləndirib”.
Leyla
-
Nida Xəbər 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi