Gəncədə “Ordu ilə xalq birdir” adlı marafon keçirilib
Bizi izləyin

Digər

Gəncədə “Ordu ilə xalq birdir” adlı marafon keçirilib

Bu gün Azərbaycan Respublikası Müdafiə Nazirliyi və Gəncə Şəhər İcra Hakimiyyətinin birgə təşkilatçılığı ilə Gəncədə faşizm üzərində qələbənin 70 illiyinə həsr edilmiş “Ordu ilə xalq birdir” devizi ilə keçirilən bədii-təşviqat marafonuna start verilib.

Açılış tədbirində Gəncə şəhər İcra Hakimiyyətinin başçısı Elmar Vəliyev,Azərbaycanın sabiq müdafiə naziri, Azərbaycan Respublikası Veteranlar Şurasının sədri,ehtiyatda olan general-mayor Dadaş Rzayev, Azərbaycanın Milli Qəhrəmanı, general-leytenant Rövşən Əkbərov, Milli Qəhrəman Ramil Səfərov, Müdafiə Nazirliyinin rəsmiləri, Böyük Vətən müharibəsi iştirakçıları, eləcə də şəhər ictimaiyyəti iştirak ediblər.

Tədbir Gəncənin mərkəzi meydanında ulu öndər Heydər Əliyevin abidəsini ziyarətlə başlayıb.İştirakçılar ümummilli liderin abidəsi önünə gül dəstələri qoyublar. Sonra tədbir Böyük Vətən müharibəsində həlak olanların xatirəsinə ucaldılmış abidə- kompleksin önündə davam etdirilib. Burada aktyorların ifasında ədəbi-bədii kompozisiya nümayiş etdirildikdən sonra, sinəsini orden və medallar bəzəyən müharibə iştirakçıları arasında görüş keçirilərək, xatirə şəkli çəkilib.

Bədii-təşviqat marafonu Heydər Əliyev park-kompleksindəki möhtəşəm “Zəfər tağı “qarşısında. Müdafiə Nazirliyi nəzdində fəaliyyət göstərən mahnı və rəqs ansamblının çıxışı ilə davam edib.

Gəncə Şəhər İcra Hakimiyyətinin başçısı Elmar Vəliyev tədbir iştirakçılarını salamlayaraq, “Ordu ilə xalq birdir” devizi altında keçirilən bədii-təşviqat marafonunun Gəncədən başlamasını şəhər sakinləri üçün əlamətdar hadisə adlandırıb.

Sonra müstəqil Azərbaycanın ordu quruculuğunda qazanılan uğurlardan danışan Elmar Vəliyev deyib ki, indi Azətrbaycan Ordusu nəinki regionda, eləcə də dünyada ən güclü ordulardandır.Əsası ulu öndər Heydər Əliyev tərəfindən qoyulan və Prezident cənab İlham Əliyev tərəindən daha da təkmilləşdirilərək ən müasir döyüş texnikasına sahib olan ölkəmiz işğal olunmuş torpaqlarımızı hər an düşməndən azad etməyə hazırdır.

Respublika Veteranlar Şurasının sədri Dadaş Rzayev ulu öndərin müharibə veteranlarına böyük qayğı və diqqətindən, Azərbaycan Respublikasının Prezidenti cənab İlham Əliyevin ölkəmizin tərəqqisi və xalqımızın firavanlığı naminə genişmiqyaslı fəaliyyətindən, Gəncədə görülən möhtəşəm işlərin çox böyük qürur yaratmasından, Ali Baş Komandanımızın rəhbərliyi ilə ərazi bütövlüyümüzün tezliklə təmin olunacağından danışıb. Azərbaycan Respublikası Veteranlar Şurasının diplomunu Gəncə şəhər İçra Hakimiyyətinin başçısı Elmar Vəliyevə təqdim edib.

Cəfər Cabbarlı adına Gəncə Dövlət Dram Teatrının aktyorları dahi mütəfəkkir, şair Nizamı Gəncəvinin, igid sərkərdələr Cavad xanın, Nuru Paşanın obrazlarında xalqımızın qəhrəmanlıq tarixini canlandırıblar.

Sonda Azərbaycanın görkəmli incəsənət ustaları Mübariz Tağıyevin, Zaur Rzayevin,Gülyanaq və Gülyaz Məmmədovaların, Zümrüd Məmmədovanın, şəhərimizin musiqi, mədəniyyyət və incəsənət kollektivlərinin geniş proqramla konserti olub.

Süsən Tağıyeva

Oxumağa davam et
Reklam
Reklam

Gündəm