Qarabağ
Bu səfər sayəsində dünya erməni vəhşiliyini gördü - Deputat
“16 noyabr tarixi Azərbaycanın qürurverici günü oldu. Çünki müzəffər Ali Baş Komandanımız Birinci vitse-prezident Mehriban xanım Əliyeva ilə birlikdə 30 ilə yaxındır işğal altında olan ərazilərimizi azad etdikdən sonra tarixi, əzəli torpaqlarımıza ilk dəfə səfər etdilər”.
Bu sözləri Publika.az-a açıqlamasında millət vəkili Cavid Osmanov deyib.
Deputat bildirib ki, bu zamanda o ərazilərə səfər etmək döyüşlərin təxminən bir həftədir başa çatması baxımından təhlükəli idi: “Amma eyni zamanda bu səfərlə Ali Baş Komandan və birinci xanım bir daha onu göstərdi ki, Azərbaycan xalqı qorxmaz və mərddir. Dövlət başçısı azad olunan ərazilərə ilk səfərini məhz oradan başladı. Füzulidə, Cəbrayılda və Azərbaycan üçün önəmli və simvolik xarakter daşıyan Xudafərin körpüsü ətrafında üçrəngli bayrağımızın Ali Baş Komandan tərəfindən qaldırılaraq dalğalandırılması bu tarixi səfərin qürurverici məqamlarından biridir. Eyni zamanda cənab Prezidentin bu bölgəyə səfəri və insanlar tərəfindən qələbə, sevinc əhval-ruhiyyəsi ilə qarşılanması uğurlu məqamlardan biridir. Bu səfər çərçivəsində dünyaya bir daha nümayiş olundu ki, Azərbaycan güclü, qüdrətli ölkədir. Orada təməli qoyulan Şuşaya yeni avtomobil yolunun çəkilməsi ölkəmizin qüdrətindən xəbər verir”.
C.Osmanovun sözlərinə görə, bu səfər bir daha ermənilərin bu ərazilərdə barbarlıq, vəhşilik nümayiş etdirdiklərini bütün dünyaya göstərdi: “Azərbaycan dövləti tərəfindən ölkə başçısının rəhbərliyi ilə bu bölgələr qısa müddət ərzində canlanacaq və ölkəmizin, dünyanın ən gözəl yerlərindən birinə çevriləcək. Bunun üçün bizim gücümüz var. Təməli qoyulan yeni avtomobil yolu da bunun bariz nümunəsidir. Digər tərəfdən, bu səfər sayəsində bütün dünya erməni vəhşiliyini gördü. Çünki yol boyu gedərkən Mehriban xanımın etdiyi çəkilişlər, ərazidən olan digər çəkilişlər göstərir ki, ermənilərin burada yaşamaq niyyəti heç vaxt olmayıb. Sadəcə vaxt udaraq, danışıqlar prosesi yolu ilə bu yerləri öz ərazilərinə qataraq sadəcə bir baryer kimi saxlamaq istəkləri olub. Çünki hər hansı insanın orada yaşamaq niyyəti olsaydı, bu qədər vəhşilik, vandallıq etməzdi. Tarixi abidələrimiz, sosial obyektlər, evlərdə daş-daş üstündə qalmayıb. Hətta Prezident Cəbrayıl şəhərinin mərkəzində dayanaraq dağıdılan evləri göstərdi. Bu, bir daha dünyaya erməni vəhşiliyini, onların çirkin niyyətlərini, vandallıqlarını nümayiş etdirdi. Bu baxımdan dövlət başçısının səfəri həm tarixi, həm də siyasi baxımdan əhəmiyyətlidir”.
Akqabay Mıradov
-
Qarabağ 17:13
Xankəndidə ilk körpə dünyaya gəldi - FOTO
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik
-
Rəsmi xronika16:13
Biz dörd kənd məsələsini heç vaxt yaddan çıxarmamışıq
-
Nida Xəbər 16:08
SON DƏQİQƏ: Qazaxın azad edilən kəndində bayrağımız qaldırıldı - VİDEO
-
Rəsmi xronika15:28
Biz buna həm də ölkəni təqdim etmək fürsəti kimi baxırıq - Prezident
-
Nida Xəbər 14:46
Göyçə yolu bağlandı: Basarkeçərin 10 kəndi qaytarılır?
-
Kriminal14:33
Azərbaycanda kişi arvadını qətlə yetirməsini lentə aldı - İNANILMAZ FAKTLAR
-
Hadisə14:03
Azərbaycanın Koreyadakı səfirinin ailəsində AĞIR İTKİ