Bakıdan İrəvana nümayəndə heyəti uçub? - SENSASİYALI İDDİA

Bakıdan İrəvana bir neçə “əsir” aparacaq təyyarənin yerə boş enməsi müəmmalı suallar yaratdı: Muradov niyə əliboş qayıdıb, yaxud təyyarədə kimlər olub?

Publika.az xəbər verir ki, “Hraparak” qəzetinin mənbələrinə istinadən irəli sürdüyü sensasiyalı iddiası bu kontekstdə maraqlıdır.

"Mənbələrimiz təyyarənin boş gəlmədiyini, Türkiyə və Azərbaycan nümayəndələrinin Mehri ərazisində inşa edilən yola (Zəngəzur dəhlizi) baxmaq, ərazini öyrənmək məqsədilə Muradovla birlikdə Ermənistana gəliyini deyir. Üçtərəfli razılaşmanın Azərbaycana faydalı olan bütün məqamları yerinə yetirilir"- qəzet iddia edir.

Bu iddiadır, lakin mümkün olması ehtimalı da istisna deyil: aprelin 2-də İlham Əliyevlə Putin telefonda danışdı: əsas mövzu kommunikasiya idi; aprelin 7-də Putin-Paşinyan görüşü keçirildi: kommunikasiya müzakirə olundu; aprelin 8-də Putin Əliyevlə zəng etdi: Paşinyanla görüş haqqında məlumat verdi və kommunikasiyanın açılması məsələsi müzakirə olundu;

Kommunikasiyanın bərpasında Bakı və Ankaranın əsas niyyəti Zəngəzur dəhlizidir. Bu kontekstdə erməni mənbələrin iddiası diqqət çəkir.

Ermənistan Müdafiə Nazirliyi bu iddianı təkzib edib. Sülhməramlı kontingentinin komandanı rüstəm Muradov isə Bakıya səfərinin işgüzar xarakter daşıdığını açıqlayıb.

Asif