Xankəndidə xaos... – Qarabağda nə baş verir?
Bizi izləyin

Qarabağ

Xankəndidə xaos... – Qarabağda nə baş verir?

Qarabağda Azərbaycan ordusuna qarşı təxribat hücumlarını genişləndirən separatçı-terrorçu rejimin daxilində böhran yaşanır.

Publika.az
xəbər verir ki, separatçı rejimin qondarma “nazirlərindən” doqquzu vəzifəsindən çıxarılıb. Onlardan dördü qondarma “deputat” təyin edilib, digər “nazir yerləri” boş qalıb.

Boş qalan yerlərə kimlərin namizəd olduğu bəlli deyil. Məlumatlara görə, bu məsələ Araik Arutyunyan-Ruben Vardanyan formatında müzakirə olunur. Ən böyük intriqa qondarma “xarici işlər naziri” postu ətrafında baş verir. Əvvəlcə Ermənistanın keçmiş xarici işlər naziri Vardan Oskanyanın bu “posta” təyinatı haqda xəbərlər yayıldı. Lakin erməni mediası mənbələrə istinadən bunun yalan olduğu haqda məlumat yaydılar.

Daha sonra Ermənistanın keçmiş naziri Ara Ayvazyanın adı çəkildi və iddia olundu ki, Araik Arutyunyan Oskanyan və Ayvazyana qondarma “xarici işlər naziri” vəzifəsini təklif edib. Separatçı rejim bu xəbəri təkzib etdi.

İndi qondarma posta təyinatla bağlı daha bir şəxsin adı çəkilir. Bu, separatçı rejimdə əvvəl “xarici işlər naziri” olmuş Masis Mailyandır. Mailyanın bu yaxınlarda Rusiyanın Ermənistandakı səfiri ilə fotosu dərc olundu. Bu foto onun qondarma posta gətiriləcəyi gözləntilərini daha da artırıb.

Hazırda Xankəndidə ciddi qarışıqlıq yaşanır.

Asif

Oxumağa davam et
Reklam
Reklam

Gündəm