14 minə yaxın işsizə iş verilib
Bizi izləyin

Qırmızı.az

14 minə yaxın işsizə iş verilib

Əmək və Əhalinin Sosial Müdafiəsi Nazirliyi (ƏƏSMN) yanında Dövlət Məşğulluq Xidməti (DMX) orqanları tərəfindən cari ilin birinci yarımili ərzində 13676 nəfər işsiz və işaxtaran vətəndaş münasib işlərlə təmin olunub.

ƏƏSM-in İctimaiyyətlə əlaqələr şöbəsindən Publika-az.a daxil olan məlumata görə, DMX-nin Bakı, Sumqayıt, Naxçıvan, Gəncə və Mingəçevir şəhərlərindəki Əmək birjaları tərəfindən əhalidən və ayrı-ayrı iş adamlarından müxtəlif peşə və ixtisaslar üzrə qəbul edilmiş sifarişlər əsasında 1879 nəfər müvəqqəti xarakterli işlərə göndərilib. Bu dövrdə ümumilikdə 1800 nəfərədək işsiz və işaxtaran vətəndaş kompüter istifadəçisi, bərbər, qaynaqçı, tikişçi, dərzi, qənnadçı, aşpaz köməkçisi, mebel quraşdırıcısı və s. peşələr üzrə peşə hazırlığı və əlavə təhsil kurslarına, həmçinin 675 nəfər haqqı ödənilən ictimai işlərə cəlb edilib.

Yanvar-iyun aylarında Xidmət tərəfindən gənclərin düzgün peşə seçiminə köməklik məqsədilə 56811 nəfərə peşəyönümü məsləhətləri verilib.

Anar Tağıyev

Oxumağa davam et
Reklam
Reklam

Gündəm