Qırmızı.az
Bakıda ŞOK elan: 70 minə böyrək satılır
Bakının mərkəzində açıq şəkildə böyrək satışı ilə bağlı elanlar yerləşdirilib.
AzNews.az xəbər verir ki, bu barədə fotolar sosial şəbəkələrdə
yayılıb. Elanlarda böyrəyin hansı qan qrupuna məxsus insana aid
olması, qiyməti və əlaqə telefonları yer alıb. Şəhərin bir neçə
yerində rast gəlinən elanların məzmunu və çap olunma formalarından
bunun eyni şəxs və ya şəxslər tərəfindən hazırlandığını sezmək
mümkündür. Şəhərin Qara Qarayev metrosu yerləşən ərazisində eyni
divarda iki müxtəlif böyrək satışı elanı asılsa da, əlaqə
telefonları müxtəlif qeyd olunub. Bu isə çox güman ki, elanların
bir şəbəkə tərəfindən yerləşdirilməsi ilə bağlı diqqəti yayındırmaq
üçündür.
İnsan Hüquqları Komitəsinin üzvü Çingiz Qənizadə AzNews.az-a
açıqlamasında bildirib ki, küçə və meydanlarda böyrək alveri ilə
bağlı vurulan elanlar cinayət xarakterlidir: “Bu cür alqı-satqının
başqa adamlar tərəfindən qeydə alınması Azərbaycan
qanunvericiliyinə ziddir. Hesab edirəm ki, bunun qarşısı dərhal
alınmalıdır. Həmin adamlar hüquq-mühafizə orqanları tərəfindən
tapılıb ifşa olunmalıdır. Bu Azərbaycan hüquq-mühafizə orqanlarının
əlində elə də çətin iş deyil. Həqiqətən də böyrək alveri ilə məşğul
olan insanlar varsa, onlar qanun qarşısında cavab
verməlidirlər”.
Ç.Qənizadə qeyd edib ki, Milli Məclisdə böyrək köçürülməsi ilə
bağlı qanunu qəbul edərkən o və digər deputatlar çıxışında
insanlara sərbəstlik verilməsini istəyib: “Biz o vaxt müzakirədə
dedik ki, qohumlarına düşməyən donor varsa onu başqasından
alsınlar. Yəni, insanların öz aralarında razılaşma olsun. Həmin
vaxt Səhiyyə Nazirliyi bunu belə əsaslandırdı ki, sərbəstlik
məsələsi böyük alver predmetinə çevriləcək, mütəşəkil dəstələr
peyda olacaq”.
Millət vəkili hesab edir ki, bu gün kimlərinsə böyrəyinin kimlərəsə satılması ilə məşğul olanlar cəzalanmalıdır: “Böyrək könüllülük əsasında köçürülməlidir. Onsuz da böyrəklə bağlı problemlər çoxdur. Ola bilər ki, gələcəkdə buna bir sərbəstlik verilsin. Amma bu, hansısa qrupların, hansısa dəstənin əli ilə deyil, aidiyyatı qurumların göstərişi ilə olmalıdır. Elan verənlər isə bu məsələdə sadəcə vasitəçilik edirlər. Bunun da qarşılığında müəyyən məbləğ güdürlər”.
Qeyd edək ki, ötən il də oxşar elanlarla bağlı mətbuatda yazılar dərc edilmişdi.
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO