"Ölüm avtobusu"nun sürücüsü həbs edildi - onu 13 il həbs gözləyir
Bizi izləyin

Qırmızı.az

"Ölüm avtobusu"nun sürücüsü həbs edildi - onu 13 il həbs gözləyir

Sentyabrın 17-si Bakı-Sumqayıt yolunun Ceyranbatan su anbarının yaxınlığında 3 nəfərin ölümünə, 10 nəfərin xəsarət almasına səbəb olan avtobusun sürücüsü həbs edilib.

Bunu ANS PRESS-ə Baş Dövlət Yol Polisi İdarəsinin müstəntiqi, polis mayoru Cəsarət Bayramov deyib.

Onun sözlərinə görə, hadisəni törədən sürücü qəza vaxtı beyninə qan sızdığı üçün uzun müddət xəstəxanada müayinə edilib.

"Hazırda onun vəziyəti normal olduğu üçün 1988-ci il təvəllüdlü Baloğlan Güloğlan oğlu Ağakişiyev Cinayət Məcəlləsinin 263-cü maddəsi ilə təqsirləndirilərək barəsində Abşeron rayon Məhkəməsi tərəfindən həbs qətimkan tədbiri seçilib".


Müstəntiqin sözlərinə görə, Baloğlan Ağakişiyev sürücülük vəsiqəsində "d" kateqoriyası olmadan mikroavtobusu idarə etmə, sükan arxasında yuxulama, sürət həddini aşmaya görə təqsirli bilinir ki, belə olan halda ona, 10 ildən 13 ilə qədər həbs cəzası verilə bilər. Sürücünün iki azyaşlı övladı var.

Bakı-Sumqayıt yolunun Ceyranbatan su anbarının yaxınlığında “Ford-Tranzit” markalı mikroavtobus idarəetməni itirərək yol kənarındakı maneəyə çırpılmış, nəticədə 3 nəfər dünyasını dəyişmiş, 9 nəfər xəsarət almışdı. Yaralılardan iki nəfərin ayağını dəmir məhəccər qoparmışdı.

Hadisə baş verən zaman ilkin ehtimal olaraq yüksək sürət və sürücünün sükan arxasında yuxulaması göstərilmişdi.


Oxumağa davam et
Reklam
Reklam

Gündəm