Paytaxt Bakının yol təsərrüfatında bir müddət bundan öncə yenilik edilmişdi. İlk dəfə olaraq və sınaq məqsədilə Babək prospektində tünd-qırmızı rəngli asfalt-beton örtüyü döşənmişdi. Yenilik Babək prospekti ilə Nəcəfqulu Rəfiyev küçəsinin kəsişməsində yerləşən yol ötürücüsünün üzərində ayırıcı zolağa tətbiq olunmuşdu.
Publika.az Azəryolservis Açıq Səhmdar Cəmiyyətinə istinadən xəbər verir ki, hazırda bu yenilik Nobel prospektində tətbiq edilir.
Prospektin ayırıcı zolağına tünd-qırmızı rəngdə asfalt-beton örtüyü döşənir. Rəngli asfalt-beton örtüyü ilkin etapda prospektin “Ağ şəhər”in qarşısından Süleyman Əhmədov küçəsi ilə kəsişməsinə qədər olan 2500 metrlik hissəsində yolayrıcına döşənir. Rəngli asfaltın sözügedən əraziyə döşənməsi vizual olaraq prospektə estetik gözəllik qatır.
Rəngli asfalt-beton örtüyünün adi asfaltdan keyfiyyət baxımından heç bir fərqi yoxdur. Sadəcə olaraq, asfalt zavodda hazır olduqdan sonra xüsusi qurğuda onun tərkibinə rəngləyici maddə qatılır və qarışdırılır. Nəticədə, rəngli asfalt-beton alınır.
Anar Tağıyev
.jpg)
.jpg)
.jpg)
.jpg)
