Qırmızı.az
Tibb Universitetində nadir əməliyyat - FOTOLAR
Bu günlərdə Azərbaycan Tibb Universitetinin (ATU) Tədris Cərrahiyyə Klinikasında yalnız dünyanın qabaqcıl klinikalarında icra oluna bilən əməliyyat baş tutub.
Universitetin mətbuat xidmətindən Publika.az-a verilən məlumata görə, həkimlər çənədə şişin götürülməsi, incik sümüyü ilə çənə sümüyünün bərpası və diş protezləşdirilməsi əməliyyatını eyni zamanda aparıblar. Orta yaşlı qadında aparılan əməliyyat zamanı çənədə yayılmış şiş götürüldükdən dərhal sonra diş implantları yerləşdirilib.
Bu mürəkkəb əməliyyat ATU-nun Ağız və üz-çənə cərrahiyyəsi kafedrasının əməkdaşları professor Çingiz Rəhimov, assistent Məhəmməd Davudov və plastik cərrah Araz Salmanovun başçılığı altında iki briqada tərəfindən aparılıb.
Prof. Çingiz Rəhimovun sözlərinə görə, birinci briqada çənədəki şişin xaric edilməsi ilə məşğul olub. Çənə tam açılandan sonra çənənin patoloji hissəsi və onunla birgə həmin hissədəki dişlər götürülüb. Həmin müddət ərzində isə ikinci briqada incik sümüyünü damarlarla birlikdə götürərək çıxarılan çənənin yerinə yerləşdirib. Və həmin damar ayaqcıqları bu sahəni təchiz edən arteriya və venaya birləşdirilib. Köçürülən sinir qanla yenidən təchiz olunduğundan ağız boşluğunda implantların üzərinə dişlər qoyulub.
Assistent Məhəmməd Davudov bu əməliyyatları üz-çənə cərrahiyyəsində son nailiyyət kimi qiymətləndirir: “Bu, mikrocərrahiyyə texnikasının tətbiqilə icra olunan əməliyyatlardır. Bu əməliyyatın daha bir unikallığı ondadır ki, burada həm şişin götürülməsi, həm defektin aradan qaldırılması, eyni zamanda xəstənin protez reabilitasiyası eyni mərhələdə baş tutub”.
Əməliyyatdan öncə hazırlıq prosesində ən muasir kompüter texnologiyalarından istifadə etməklə virtual modelləşmə ilə planlaşdırılma aparılıb. Əməliyyat xüsusi naviqasiya qurğusundan istifadə etməklə yüksəkixtisaslı cərrahlar tərəfindən həyata keçirilib.
Qeyd edək ki, bu tip əməliyyatlar dünya təcrübəsində nadir hal kimi qəbul olunur və onları yalnız ən qabaqcıl klinikalarda icra etmək mümkündür. Artıq ATU-nun Tədris Cərrahiyyə Klinikasının da adını bu cür tibbi müəssisələr sırasında çəkmək olar. Xəstə əməliyyatdan ayılan kimi artıq çənəsi və diş sırası tam bərpa edilmiş olur.
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO
-
Yaxın Şərq09:12
İsrail İranı vurdu: görün neft bahalaşaraq neçəyə oldu
-
Hadisə08:07
Qızı ilə Kürdə batan atanın meyiti TAPILDI
-
Magazin106:16
Əməkdar artist: “Oğlumun vəfatından sonra yatmıram”