Gömrükdə əməliyyat: İrandan gələn azərbaycanlılar saxlanıldı
Bizi izləyin

Qırmızı.az

Gömrükdə əməliyyat: İrandan gələn azərbaycanlılar saxlanıldı

İrandan gələn Azərbaycan vətəndaşları narkotiklə saxlanılıb.

Dövlət Gömrük Komitəsindən Publika.az-a verilən məlumata görə, Astara Gömrük İdarəsinin sərnişin şöbəsində Cavad Xəlilovun üzərinə baxış keçirilib.

Yoxlama zamanı onun şalvarının bel kəmərinin altından 2 ədəd bağlamada ümumi xalis çəkisi 170,807 qram təşkil edən heroin aşkar olunub.

İrandan gələn Valeh Bayramovun üzərində yoxlama zamanı isə onun şalvarının cibində 8 ədəd həb aşkarlanıb. Təsiredici maddənin xalis çəkisi 0,160 qram təşkil edib.

Qeyd edək ki, bu həblər “Azərbaycan Respublikasının ərazisində dövriyyəsi məhdudlaşdırılan narkotik vasitələr”in II Siyahısına daxil olan “Metadone-20” adlı dərman preparatıdır. Hər iki faktla bağlı təhqiqat aparılır.

Oxumağa davam et
Reklam
Reklam

Gündəm