Günel Mövludun valideynləri ondan imtina etdi

“Oğlanlarımın ikisi də əli qabarlı fəhlədir, onlar heç vaxt siyasətə qarışmayıblar”.

Publika.az xəbər verir ki, bunu BBC-yə jurnalist Günel Mövludun anası Şövkət Şəfiyeva deyib. O bildirib ki, oğlanları qızı Günel Mövluda görə həbs olunublar və ana buna görə də qızından imtina edir: “Qızım Meydan TV-dən imtina etmirsə, mən ondan imtina edirəm”.

“1993-cü ildən Cəbrayıldan çıxandan sonra imkansızlığa görə oğlanlarımı oxutdura bilmədim. Ona görə indi fəhləlik edib ailələrini dolandırırlar. Onların narkotiklə işləri ola bilməz”, - deyə qeyd edib.

Şəfiyeva hələ də oğlanları ilə görüşə bilmədiklərini də deyib.

Günel Mövlud Meydan TV-dəki fəaliyyətini dayandırmayacağını bildirib.

Qeyd edək ki, yazarın atası daha öncə qızından imtina etməyəcəyini desə də, artıq bu məsələdə Şövkət xanıma qoşulduğunu vurğulayıb.

Xatırladaq ki, jurnalist Günel Mövludun qardaşları Raci və Vəkil İmanovlar oktyabrın 13-də polis orqanlarına daxil olmuş əməliyyat məlumatı əsasında keçirilən müvafiq tədbirlər nəticəsində saxlanılıblar.

Nazirliyin məlumatına görə, baxış zamanı onlardan narkotik vasitə olan marixuana götürülüb. Onlar 3 ay müddətinə azadlıqdan məhrum ediliblər