Bakı Şəhəri üzrə Təhsil İdarəsi Xətai rayonu 95 saylı məktəbdə şagirdin müəlliməsini döyməsi ilə bağlı yayılan məlumatları araşdırmağa başlayıb.
İdarədən Trend-ə bildirilib ki, hazırda məsələ araşdırıldığından döyülmə faktının olub-olmaması barədə fikir söylənilə bilməz. Yalnız araşdırmalar başa çatdıqdan sonra idarə bununla bağlı ictimaiyyətə məlumat verəcək.
Xatırladaq ki, Bakı şəhəri Xətai rayonu 95 saylı məktəbdə 11-ci sinif şagirdinin fizika müəlliməsi Svetlana Əkbərovanı döyməsi barədə məlumatlar yayılıb. S.Əkbərova isə bunun həqiqətə uyğun olmadığını, şagirdə sinifdə mahnı oxuduğu üçün irad tutduğunu, şagirdin də sinif otağını tərk etdiyini deyib.
.jpg)
.jpg)
