Bakı-Sumqayıt yolunda yeni çatlar yaranıb – TƏHLÜKƏ ARTIR - VİDEO
Bizi izləyin

Qırmızı.az

Bakı-Sumqayıt yolunda yeni çatlar yaranıb – TƏHLÜKƏ ARTIR - VİDEO

“Bakı-Sumqayıt yolunda yeni çatlar yaranıb və avtovağzalın qarşısındakı çökmə ərazisi genişlənib. Yağışlar artarsa və intensivləşərsə, bu əraziyə də təsir edəcək və çatlar daha da genişlənəcək”.

Bunu Publika.az-a Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin Geoloji planlama ekspedisiyasının baş geoloqu Ələmdar Piriyev bildirib.

Onun sözlərinə görə, yağıntılar çoxalacağı və müəyyən tədbirlər görülməyəcəyi təqdirdə bu çatların artması da mümkündür. Ə. Piriyevin sözlərinə görə, kompleksin çökmə baş verən hissəsində istinad divarının bir tərəfində uçma yaranıb və hazırda həmin ərazidə bərkitmə işləri aparılır.

Qeyd edək ki, oktyabrın 7-də Bakı Beynəlxalq Avtovağzal ərazisinə yaxın yolda çökmə və çatlar yaranıb, istinad divarları əyilmişdi. Çökmənin daha da genişlənməsinin qarşısını almaq üçün yolun həmin hərəkət hissəsi bağlanılıb və ərazidə bərkitmə işləri aparılır.

Gülnar Əliyeva

Oxumağa davam et
Reklam
Reklam

Gündəm