Bakının mərkəzi prospektlərindən biri olan Neftçilər prospektində motosikletlərin hərəkətinə qadağa qoyulub.
Publika.az avtosfer.az-a istinadən xəbər verir ki, “Azneft” dairəsindən sağa – Bayıl istiqamətinə dönəndə, daha sonra isə köhnə “İnturist”in qarşısında motosikletin hərəkətini qadağan edən yol nişanları qoyulub.
Bundan əlavə, həmin yolun əks tərəfində – Əl Oyunları İdman Sarayının qarşısında da “Azneft” istiqamətinə motosikletlərin hərəkətini qadağan edən yol nişanı var.
Bu o deməkdir ki, Neftçilər prospektində motosikletlərin hərəkəti tam qadağan edilir. Bu nişanların tələbini pozan motosiklet sürücülərini 40 manat cərimə gözləyir.
