Qırmızı.az
Dövlət Yol Polisindən etiraza səbəb olan qərar
Paytaxtın bəzi yerlərində dünəndən başlayaraq "motosikletlə hərəkət qadağandır" nişanları quraşdırılmağa başlayıb.
Artıq Neftçilər prospektində 6 belə nişan quraşdırılıb ki, bu da
ictimaiyyət arasında birmənalı qarşılanmayıb.
Moto istifadəçiləri bu nişanların onların hüquqlarını
pozduqlarını deyirlər. Motosiklet sürücüsü Qalası Bağırov deyir ki,
bu qadağa nişanlarının quraşdırılması qəbuledilməzdir:
"Motosiklet nəqliyyat vasitəsi hesab olunur. Ölkəyə bu nəqliyyat
vasitəsini gətirərkən gömrükdə dövlət rüsumu ödənilir, dövlət nömrə
nişanı alınır, hətta A kateqoriyalı sürücülük vəsiqəsi olur.
Deməli, hər şey qanuna uyğundur. "Motosikletlə hərəkət qadağandır"
nişanlarının quraşdırılması qanunsuzluqdur. Burada sürücünun
konstitusiya hüquqları pozulur".
Mövzunu şərh edən Baş Dövlət Yol Polisi İdarəsinin şöbə rəisi
Kamran Əliyev bildirdi ki, qadağa hələlik Neftçilər prospekti
ərazisinə aiddir: "Belə bir qadağanın qəbul edilməsi vətəndaşların
şikayəti ilə bağlıdır. Orada yaşayan çoxsaylı insan müraciət edirdi
ki, həmin ərazidən şütüyən motolar onların dincliyini pozur. Qadağa
da bununla bağlıdır. Gələcəkdə hansısa yollarda quraşdırılıb
quraşdırılmayacağını deyə bilmərəm. Ancaq bu qadağa mopedlərə və
velosipedlərə aid deyil".
Rəis həmçinin moto sürücülərinə məsləhət də verdi: "Moto
sürücüləri qadağan olunmuş ərazilərdən yox, alternativ yollardan
istifadə etsinlər".
Yol hərəkəti üzrə ekspert, hüquqşünas Ərşad Hüseynov deyir ki,
bu təkcə nişandır ki, onun tətbiqi meyarı yoxdur:
"Başqa işarələrin hansı ərazidə, niyə tətbiq edilməsi haqqında
məlumatlar var. Ancaq bu nişanın tətbiq olunmasının
qanunvericilikdə cavabı yoxdur. Motosiklet tıxac olan küçələrdə
daha faydalıdır. Çünki həcmi kiçikdir, tıxac yaratmır. Motosikletin
səsi ilə bağlı belə bir qanunun qəbul edilməsi anlaşılan deyil.
Əgər hansısa motonun səsi yüksək çıxırsa, motoların səsi ilə bağlı
dövlət standartı var. Həmin standarta uyğun olaraq səsi yüksək
çıxan motoları taparaq cərimə etmək lazımdır və həmin sürücülərə
motolarını standartlara uyğunlaşdırmağı tapşırmaq lazımdır", - deyə
Ə.Hüseynov bildirdi.
Ümumiyyətlə, dünya təcrübəsində də motosikletlərin paytaxtın
mərkəz küçələrində qadağan edilməsi ilə bağlı bir qanun lahiyəsi
yoxdur. Bir müddət əvvəl Fransada belə bir qanun lahiyəsi qəbul
edilməsi üçün Senata təklif edilmişdi. Lakin baykerlərin etiraz
yürüşlərindən sonra həmin qanun lahiyəsi müzakirədən çıxarılmışdı.
Əksinə, Londonda və Romada motosiklet sürücüləri üçün xususi
zolaqlar təşkil edilib.
Ümid edirik ki, bu qadağaları qəbul edənlər motoların hərəkətini
qadağan etmək əvəzinə, yüksək səs çıxararaq əhalinin narahatlığına
səbəb olan motosikletləri müəyyən edib onlar haqqında tədbir
görülməsi üçün addım atarlar. Çünki paytaxtda elə avtomobillər var
ki, onların çıxardığı səs motosikletlərin çıxardığı səsdən qat-qat
daha çoxdur və əhalini daha çox narahat edir. Bu məsələ qadağa ilə
yox, yüksək çıxan səsləri təyin edib qarşısını almaqla öz həllini
tapa bilər (anspress).
-
Sosial21:36
Daxili İşlər Nazirliyi əhaliyə ÇAĞIRIŞ ETDİ
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO