Qırmızı.az

Sürücülərin diqqətinə: ÇAŞMAYIN

10 Noyabr 2015 14:11

Əhmədli metro stansiyasının yaxınlığında, Məhəmməd Hadi küçəsində sağa dönmək istəyən avtomobillərin hərəkəti üçün daimi sağa dönmə əmri tətbiq olunub.

Nəqliyyatı İntellektual İdarəetmə Mərkəzindən Publika.az-a verilən məlumata görə, yeni qayda qurumun təklifinə müvafiq olaraq, Baş Dövlət Yol Polisi İdarəsinin Siqnal idarəsi tərəfindən tətbiq olunub. Buna baxmayaraq, işıqfora bu əmri göstərən (sağa dönməni) əlavə bölmə qoyulmadığından, bu da sürücülərin çaşqınlığına səbəb olur.

Qeyd edək ki, artıq bir ildən çoxdur ki, Məhəmməd Hadi küçəsində sağdakı yola dönmək üçün daimi sağa dönmə əmri tətbiq edilsə də, hələ də sürücülər yanlışlıqla qarşıdakı avtobus yolunun işıqforuna görə qırmızı işıqda dayanıb gözləyirlər ki, bu da küçədə sıxlığın yaranmasına səbəb olur.