“Gənclik” metrostansiyası damır – FOTOLAR
Bizi izləyin

Qırmızı.az

“Gənclik” metrostansiyası damır – FOTOLAR

Bakı Metropoliteninin “Gənclik” stansiyası damır.

Publika.az xəbər verir ki, stansiyanın keçidinin tavanında çatlar yaranıb və su içəri damır. Bu səbəbdən də keçidin döşəməsinin bir hissəsi islanıb.

“Bakı Metropoliteni” QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev Publika.az-a açıqlamasında bildirib ki, bu problem stansiyanın üstündə yeni ticarət mərkəzində aparılan təmir işləri ilə əlaqədar yaranıb: “Stansiyanın üstündəki ticarət mərkəzində təmir işləri aparılır. Buna görə də yağış suları keçidə sızıb. Lakin bu, bizim işimizə ciddi problem yaratmır”.

Nəsimi Paşayev qeyd edib ki, “Gənclik” metrostansiyasının yaxınlığındakı ticarət mərkəzində təmir işləri başa çatdıqdan sonra suların keçidə sızması aradan qaldırılacaq: “Bununla bağlı ticarət mərkəzinin işçiləri ilə də danışıqlar aparmışıq. İnşallah təmir işləri başa çatdıqdan sonra keçidə su sızmasının qarşısı alınacaq”.

Qeyd edək ki, “Gənclik” metrostansiyasının bu çıxışı bir neçə ay əvvəl təmirdən çıxıb.

Anar Tağıyev

Fotolar müəllifindir

Oxumağa davam et
Reklam
Reklam

Gündəm