Qiymətləndirmədən keçən müəllimlərin maaşı artmayacaq
Bizi izləyin

Qırmızı.az

Qiymətləndirmədən keçən müəllimlərin maaşı artmayacaq

Azərbaycan Prezidentinin təhsil müəssisələrində çalışan işçilərin əmək haqlarının artırılması ilə bağlı bu il imzaladığı sərəncam diaqnostik qiymətləndirmədən keçən müəllimlərə şamil olunmur.

Bu barədə “Report”un sorğusuna cavab olaraq Təhsil Nazirliyinin mətbuat xidmətindən bildirilib.

“Azərbaycan Respublikası Prezidentinin “Təhsil müəssisələrində çalışan işçilərin əməkhaqlarının artırılması haqqında” 2016-cı il 18 yanvar tarixli 1709 nömrəli sərəncamına əsasən dövlət büdcəsindən maliyyələşdirilən təhsil müəssisələrində (ali təhsil müəssisələri istisna olmaqla) çalışan işçilərin Vahid Tarif Cədvəli ilə müəyyən edilmiş aylıq vəzifə (tarif) maaşları 2016-cı il fevralın 1-dən orta hesabla 10 faiz artırılıb. Bilik və bacarıqlarının diaqnostik qiymətləndirilməsindən keçmiş müəllimlərin əməkhaqqı Vahid Tarif Cədvəli əsasında ödənilmədiyi üçün qeyd olunan artım həmin müəllimlərə şamil olunmur”, - nazirlikdən bildirilib.

Oxumağa davam et
Reklam
Reklam

Gündəm