Qırmızı.az
Bazarda yerli sort alma tapılmır
"Azərbaycanda uzun illərin sınağından çıxan, xalq
seleksiyası yolu ilə əldə edilən alma sortlarının yetişdirilməsinin
vaxtı çatıb".
Bunu Azərbaycan Milli Elmlər Akademiyası (AMEA) Coğrafiya
İnstitutunun Ekocoğrafiya şöbəsinin müdiri, kənd təsərrüfatı
elmləri namizədi Ənvər Əliyev deyib.
Onun sözlərinə görə, Azərbaycanda uzun tarixi dövr ərzində xalq
seleksiyası adı ilə çox keyfiyyətli alma sortları yetişdirilib ki,
hazırda həmin sortlardan olan almalar çox az qalıb:"Azərbaycanda
vaxtilə xalq seleksiyası yolu ilə keyfiyyətli, təbii-coğrafi mühitə
tam alışmış, xəstəliklərə və ziyanvericilərə qarşı həddən artıq
müqavimətli sortlar əldə olunub. Klassik meyvə sortlarından ancaq
almanı deyil, üzüm və s. meyvələri qeyd etmək olar. "Qızıləhmədi"
"Cırhacı", "Eyyubi", "Qəndi-sinab" və onlarla bu cür sortlar əldə
olunmuşdu. Yerli sortlardan Quba-Xaçmaz zonasında daha çox olub.
Hazırda klassik sortlar az qalıb. Yerli sortlar həm torpaqdan
istifadədə - torpaqdakı müəyyən miqroelementlərin
mənimsənilməsində, həm ziyanvericilərə qarşı davamlılığında, uzun
müddət keyfiyyətini saxlamaqda, qidalılıq dəyərinin yüksəkliyində
əcnəbi sortlardan çox üstündür. Adını çəkdiyim alma sortları
hazırda insanlar tərəfindən bazarda ən çox axtarılan, amma çox az
tapılan meyvələrdəndir".
Vaxtilə Quba-Xaçmaz zonasında tədqiqat işləri apardığını deyən
alim bildirib ki, kənardan hər hansı bir sort gətirilərkən diqqətli
olmaq lazımdır. Onun sözlərinə görə, yeni gələn sortların xəstəliyə
dözümlülüyü, daşınma, saxlanma qabiliyyətinin necə olacağı
əvvəlcədən bilnmir: "Təəssüf ki, hazırda hamı bazar üçün işləyir.
Bazarın da özünün qaydaları var. Qısa müddətdə çox məhsul götürmək,
çox qazanmaq və s. Azərbaycanın regionlarında ayrı-ayrı meyvə
sortlarını, o cümlədən də klassik alma sortlarını yetişdirməyin
vaxtı çatıb. Bu proseslə bağlı məsələ hər bir region üzrə ciddi
şəkildə ortaya qoyulmalıdır".
Şöbə müdiri yerli alma və digər sortlarından olan meyvələrin bazarda çox yaxşı satılacağına inandığını da vurğulayıb. (report)
-
Müsahibə10:15
Diplomu 175 ölkədə tanınan azərbaycanlı: İki illik proses 40 gündə bitdi
-
Region09:20
Tavuşda etiraz başladı: Ermənilər İrəvan-Tbilisi yolunu bağladılar
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO