ANAMA sursatlar haqda hesabat yaydı
Bizi izləyin

Qırmızı.az

ANAMA sursatlar haqda hesabat yaydı

Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) bu gün Tərtər və Füzuli rayonlarında aşkar olunan partlamamış hərbi sursatlar haqqında hesabat yayıb.

ANAMA-dan Publika.az-a verilən məlumata görə, Tərtər rayonunun Qarağacı kəndi – 3 ev və həyətyanı sahədə 5 partlayış yerinə baxış keçirilib, 15 000 kv/m ərazi təmizlənib və partlamamış hərbi sursat aşkar edilməyib.

Rayonun Qaynaq kəndində 3 ev və həyətyanı sahədə 3 partlayış yerinə baxış keçirilib,1 050 kv. m ərazi təmizlənib. Tərtərin Qazyan kəndində 3 ev və həyətyanı sahədə 3 partlayış yerinə baxış keçirilib, 10 900 kv. m ərazi təmizlənmış və partlamamış hərbi sursat aşkar edilməyib.

FHN-nin Böhran Vəziyyətlərində İdarəetmə mərkəzinin məlumatına əsasən cəmi 9 ev və həyətyanı sahədə 11 partlayış yeri aşkar edilib və 26 950 kv. m ərazi təmizlənib.

Füzuli rayonunun Şükürbəyli kəndində 2 əkin sahəsində 2 partlayış yerinə baxış keçirilib, 480 kv. m ərazi təmizlənıb.

Cəmi 2 əkin sahəsi, 2 partlayış yeri aşkar edilib və 480 kv. m ərazi təmizlənıb.

Bu gün agentlik tərəfindən 9 ev həyətyanı sahə, 2 əkin sahəsi, 13 partlayış yeri yoxlanılıb, 27 430 kv. m ərazi təmizlənib.

Ümumilikdə 7 Aprel - 7 May 2016-cı il tarixlərində ANAMA tərəfindən Zərdab, Tərtər, Ağcabədi, Ağdam, Füzuli, Goranboy, Tovuz, Samux, Şəmkir, Cəlilabad, Ucar rayonlarında və Bakı şəhərində 443 ev və həyətyanı sahə, 2 hərbi hissə, 2 kənd qəbirstanlığı, 3 kənd orta məktəbi, 1 tibb məntəqəsi, 7 ferma, əkin sahələri və 1 çaxır zavodu ərazisinə baxış keçirilib, 1 414 ədəd partlamamış hərbi sursat, 11 ədəd piyada əleyhinə mina (PMN), 2 ədəd piyada əleyhinə POMZ-2 və 6 ədəd tank əleyhinə mina aşkar olunaraq zərərsizləşdirilib.

Hal-hazırda agentlik tərəfindən yaradılmış xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdirir.

Oxumağa davam et
Reklam
Reklam

Gündəm