“Erkən nikah: Səbəb və ağır nəticələri”
Bizi izləyin

Qırmızı.az

“Erkən nikah: Səbəb və ağır nəticələri”

Abşeron rayon İcra Hakimiyyətinin, rayon Gənclər və İdman idarəsinin təşkilatçılığı ilə “Erkən nikah: Səbəb və ağır nəticələri” mövzusunda maarifləndirmə tədbiri keçirilib.

Publika.az xəbər verir ki, Qafqaz Universitetində baş tutan tədbirdə adıçəkilən Abşeron RİH-nin, Gənclər və İdman idarəsinin, YAP Abşeron rayon təşkilatının Gənclər Birliyinin, Qeydiyyat, Təhsil, Səhiyyə şöbələrinin məsul işçiləri və universitetin tələbə dərnəklərinə rəhbərlik edən və üzv olan tələbələri iştirak ediblər.

Tədbirdə Qeydiyyat şöbəsinin rəisi Tahirə Əsgərova erkən nikahlar və onların yaratdığı problemlər haqqında ətraflı çıxış edib.

Abşeron rayon İcra Hakimiyyəti Aparatının böyük məsləhətçisi - Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Hafiz Mikayılov mövzu ilə əlaqəli geniş çıxış edərək dövlətimizin bu məsələyə həssas yanaşdığını vurğulayıb. O qeyd edib ki, bu problemin qarşısının alınmasında təhsilin və təhsilli gənclərin rolu danılmazdır. Ölkəmizin ən yaxşı universitetlərindən olan Qafqaz Universitetinin rayonumuzda yerləşməsi və burada təhsil alan gənclərin bu mövzuda maarifləndirmə işlərinə töhfə verəcəyinə inandığını bildirib.

Abşeron rayon Gənclər və İdman İdarəsinin rəisi Əsgər Əmirəliyev də rayonda nikah, boşanma, erkən nikah halları ilə bağlı statistik göstəricilər haqqında iştirakçılara ətraflı məlumat verib. O, rayonda erkən nikah hallarının qarşısının alınması məqsədilə aparılan işlərdən, mütəmadi olaraq həyata keçirilən müxtəlif tədbirlərdən bəhs edərək, bütün aidiyyəti dövlət qurumlarının erkən nikah hallarına qarşı birgə fəaliyyətinin önəmini vurğulayıb.

YAP Abşeron rayon təşkilatının Gənclər Birliyinin sədri Elgün Hümbətov, İcra hakimiyyətinin əməkdaşı Vüqar Bəşirov öz çıxışlarında erkən nikah hallarının cəmiyyət üçün yaratdığı fəsadlardan, bu cür halların gənc qızların təhsildən yayınmasına və səhhətlərinə birbaşa təsirindən söhbət açıb, tələbələri bu istiqamətdə maariflənməyə səsləyib.

Müzakirə formatında keçən görüşdə tələbələrin sualları cavablandırılıb.

Oxumağa davam et
Reklam
Reklam

Gündəm