BDU-da “Heydər Əliyev və Azərbaycanda hüquqi dövlət quruсuluğu” adlı tədbir
Bizi izləyin

Qırmızı.az

BDU-da “Heydər Əliyev və Azərbaycanda hüquqi dövlət quruсuluğu” adlı tədbir

Bakı Dövlət Universitetinin Hüquq fakültəsində “Heydər Əliyev və Azərbaycanda hüquqi dövlət quruсuluğu” mövzusunda beynəlxalq elmi-praktiki konfrans keçirilib.

BDU-dan Publika.az-a verilən məlumata görə, Heydər Əliyevin anadan olmasının 93-cü ildönümünə həsr olunmuş tədbiri giriş sözü ilə açan BDU-nun Elm və innovasiyalar üzrə prorektoru, AMEA-nın müxbir üzvü, professor Aydın Kazımzadə ulu öndərin tarixi xidmətlərindən, ölkəmizin hüquqi dövlət quruculuğu istiqamətində gördüyü işlərdən bəhs edib.

BDU-da keçirilən beynəlxalq konfransların əhəmiyyətindən danışan prorektor Aydın Kazımzadə belə tədbirlərin universitetin beynəlxalq əlaqələrinə, o cümlədən elmin və təhsilin inkişafına müsbət təsirini qeyd edib.

Hüquq fakültəsinin dekanı, professor Əmir Əliyevin konfrans barədə ətraflı məlumatından sonra Ukrayna Milli Elmlər Akademiyasının müxbir üzvü, professor Vladimir Denisov, Ukrayna Milli Elmlər Akademiyasının həqiqi üzvü, professor Oleq Zayçuk, professorlar - Kamil Səlimov, Leonid Timçenko, Yuriy Burilon, Əmir Əliyevin və dosent Turqay Hüseynovun məruzələri dinlənilib.

Konfrans öz işini “İnsan hüquqları”, “Dövlət və hüquq nəzəriyyəsi və tarixi, konstitusiya hüququ”, “Beynəlxalq hüquq”, “Cinayət hüququ, cinayət prosesi, kriminalistika və məhkəmə ekspertizası”, “Mülki hüquq, mülki proses və kommersiya hüququ, əmək və ekologiya hüququ” bölmələrində davam etdirib. Bölmələrdə ümumilikdə 172 məruzə dinlənilib.

Oxumağa davam et
Reklam
Reklam

Gündəm