• USD 1,7000 0,00% EUR 2,0183 -0,05%
    • GBP 2,3633 -0,32% RUB 0,0232 0,00%

İsmayıllı və Qəbələdə bundan da güclü daşqınlar olub

İsmayıllı və Qəbələdə bundan da güclü daşqınlar olub

Böyük Qafqazın cənub yamacında dünənkindən də güclü daşqınlar olub və belə daşqınların baş verməsi İsmayıllı-Qəbələ zonası üçün xarakterikdir.

Bunu Trend-ə Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev deyib.

Onun sözlərinə görə, 1999-cu ildə İsmayıllı-Qəbələ zonasında bundan da güclü daşqınlar olub. Sonrakı illərdə də əsasən yay, yaz, hətta payız aylarında buna oxşar daşqınlar təkrarlanıb.

İsmayıllı-Qəbələ zonasındakı çayların ümumiyyətlə sel-daşqın xarakterli olduğunu deyən A.Verdiyev qeyd edib ki, İsmayıllıda yağan yağışlar nəticəsində ötən gün Göyçayda suyun səviyyəsi artıb. Bunun nəticəsində Qarasu və Zərdab məntəqələrində suyun artımı qeydə alınıb: "Bu çay bu məntəqələrdən Kürə tökülür. Ancaq bu çaydakı daşqınlar Kür üçün heç bir təhlükə törətmir. Hazırda da Kürün aşağı hissəsində sabit səviyyələr müşahidə edilir".

A.Verdiyev deyib ki, ötən günlərdə çaylarda gursululuğun artmasından sonra yaxın iki gün ərzində hava şəraitinin əsasən yağmursuz keçməsi ilə əlaqədar çaylarda gursululuğun azalacağı gözlənilir: "Bu daşqınlar qısamüddətlidir. Artıq sabah, birigündən başlayaraq səviyyənin azalması gözlənilir".

Qeyd edək ki, iyunun 12-də İsmayıllı rayonuna yağan aramsız yağışlar nəticəsində rayonun 10-dan artıq kəndinə ciddi ziyan vurub. İsmayıllının Quşencə, Zoğallıq, Kürdmaşı, Topçu və Buynuz kəndlərində həyətlərə və evlərə sel suları dolub.

Yağan güclü yağış və dolu Qaraməryəm-İsmayıllı-Şəki avtomobil yolunun 8-ci kilometrliyindən 23-cü kilometrliyinə qədər olan hissəsindəki körpülər, suötürücülər və yol təsərrüfatına aid olan bütün qurğular daşqın sularının gətirdiyi daş-çınqıl, ağac kötükləri və torpaq lilləri ilə dolub. Nəticədə yolun 15 kilometrdən artıq hissəsi yararsız vəziyyətə düşüb.

Yağışlar Oğuz-Qəbələ-Bakı su kəmərinin rayon ərazisindən keçən hissəsində də təhlükə yaradıb. Sel və dolu nəticəsində Oğuz-Qəbələ-Bakı su kəmərinin rayonun Kürdmaşı kəndi ərazisindən keçən 66-cı kilometrliyi sel suları nəticəsində yuyulmaya məruz qalıb.

Halal Nemət

Xəbər lenti

DAHA ÇOX XƏBƏR