Qırmızı.az
Radikal dindar Azərbaycan xalqını düşmən adlandırdı - FOTOFAKT
Azərbaycanda dini fanatizm və dini düşmənçilik zəminində
hakimiyyətin zorla ələ keçirilməsi, konstitusiya quruluşunun zorla
dəyişdirilməsi və ərazi bütövlüyünün parçalanmasına xüsusi cəzalar,
o cümlədən ömürlük həbs cəzası tətbiq olunur.
Azərbaycan prezidentinin təqdimatı ilə bununla bağlı Cinayət
Məcəlləsinə yeni 278.2 maddəsinin salınması təklif
olunur.
Layihəyə əsasən, Azərbaycan Respublikasının konstitusiya
quruluşunun, o cümlədən onun dünyəvi xarakterinin zorla
dəyişdirilməsinə və ya ərazi bütövlüyünün parçalanmasına, yaxud
hakimiyyətin zorla ələ keçirilməsinə yönələn hərəkətlərin dini
düşmənçilik, dini radikalizm və ya dini fanatizm zəminində
törədilməsi 15 ildən 20 ilədək müddətə azadlıqdan məhrum etmə və ya
ömürlük azadlıqdan məhrum etmə ilə cəzalandırılır.
Layihə Milli Məclisə təqdim olunub və növbəti iclasda müzakirəyə
çıxarılacaq.
Femida.az xəbər verir ki, layihənin müzakirəyə çıxarıldığı bir
zamanda dindən alət kimi istifadə edən bəzi “dindar”lar yenidən
fəaliyyətə keçiblər. Özünü ruhani kimi təqdim edən Tohid Lənkərani
qanunun əsl mahiyyətini başa düşmədən insanları kütləvi şəkildə
etirazlara çağırıb. O, hətta yaşadığı, çörəyini yediyi ölkəni
düşmən belə adlandırıb. Belə ki, Tohid Lənkərani şəxsi feysbuk
statusunda bu sözləri yazıb :
“Bir Azərbaycanlı ruhani kimi yalvarıram.
Hamı yatıb düşmən oyaq!
Düşmən niyə oyaq?
Ay əziz dostlar, ay əziz Ruhani qardaşlarım.”
Maraqlıdır. Dinlə məşğul olduğunu deyən bu dar düşüncəli əbalı
dindar düşmən deyərkən kimi nəzərdə tutur? Erməninimi? Əlbəttə yox…
Bu onun və onun kimi din altında gizlənən “dindarların” köhnə
təbliğat üsuludur. Çətinə düşəndə dosta düşmən demək
adəti.
Daha sonra müraciətində Tohid Lənkərani
yazır:
“Ay millət, ay Hüseynçilər, ay din xadimləri, Qeyrətli kişilər, ay
zeynəbçi bacılar, ay haca gedənlər, ay kərbəlaya gedənlər.
Bəs Həzrəti Zəhranın cavabını necə vecəyik? Şəhidlərin cavabını nə
verəcəyik? Bəs gələcək nəslimizin cavabını kim verəcək.
Hüseyn(ə) bizdən alırlar.
Yalvarıram, xahiş edirəm. Ayaqlarıza düşürəm. Gəlin bir olaq. Gəlin
İmam Hüseynə və bizə izzət verən bayraqlarımıza sahib çıxaq.
Bizim bu bayraqlara ehtiyacımız var.
Ay dünya Azərbaycanlıları, ay Hüseynçilər. Hər kəs nə bacarır
etsin. Əlindən gələni əsirgəməsin. Fərdi şəkildə, cəm şəkildə, necə
olur olsun, hansı yolnan olur olsun. Gəlin qeyrətimizi
düşmənlərimizə görsədək, onların çirkin planlarını puç edək.
Vallah Azərbaycanın izzəti bu bayraqların hörmətinə bağlıdır. Əgər
müqavimət etsək və icazə verməsək ki, bu bayraqların və İmam
Hüseynin əzasının hörməti aradan getdin. Onda Allah bizə qeyri adi
bir qələbə nazil edər.”
Bu çağırışı ilə dindar o insanları yoldan azdıraraq onların
fikrini başqa istiqamətə yönəltmiş olur. Bu insanları kütləvi
iğtişaşlara çağırmaq deyilmi?
Daha sonra özünü ruhani adlandıran cənub mollalarının davamçısı
təhdiddən belə çəkinmir.
“Heç kim İmam Hüseyn bayraqını bizim evlərimizdən və küçələrimizdən
endirə bilməz!
Heç kim Hüseyn Əleyhissəlamın mühərrəm yürüşlərinə qadağa qoya
bilməz.
Canımızı əlimizə tutub indiyə qədər bu bayraqları qoruyub
saxlamışıq , bundan sonrada qoruyub saxlayacağıq.”
Müraciətini bu sözlərlə bitirən Tohid Lənkəraniyə
xatırlatmaq istəyirəm ki, Azərbaycan müsəlmanın, xristianın,
yəhudinin və s. dinlərin nümayəndələrinin sərbəst və problemsiz
yaşadığı bir ölkədir. Sadəcə ibadəti ilə məşğul olan kəs niyə bu
qərardan narahat olsunki? Sənin və sənin kimi din altında cənub
mollalarının sifarişini yerinə yetirənlər nədən narahatdır? Yəqin
ki, bu sualların cavabları onların özünə çoxdan bəllidir. Bura nə
İran, nə İraq, nə Suriya nə də Mozambik deyil. Bura əhalisinin
əksəriyyəti türklərdən ibarət olan, bütün xalqların
nümayəndələrinin vəhdət halda yaşadığı Azərbaycandır. Əgər
kimlərəsə burada yaşamaq xoş deyilsə, sərhədlər açıqdır. Dini
siyasətə qatanlarınsa sonu məlumdur.
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...