Dillər Universitetində yeni təyinat
Bizi izləyin

Qırmızı.az

Dillər Universitetində yeni təyinat

Azərbaycan Dillər Universitetində Tədris işləri üzrə prorektoru vəzifəsinə yeni təyinat olub.

ADU-dan Publika.az-a verilən məlumata görə, Təhsil naziri Mikayıl Cabbarovun 19 sentyabr 2016-cı il tarixində imzaladığı müvafiq əmrinə əsasən Nazirliyin Lisenziyalaşdırma və akkreditasiya sektorunun baş məsləhətçisi Əfqan Abdullayev Azərbaycan Dillər Universitetinin Tədris işləri üzrə prorektoru vəzifəsinə təyin edilib.

Bu gün Nazirliyin aparat rəhbərinin müavini Yaqub Piriyev yeni təyin olunmuş prorektoru universitet kollektivinə təqdim edib.

Qeyd edək ki, Əfqan Əli oğlu Abdullayev Azərbaycan dilçiliyinin yeni nəslinə aiddir. Azərbaycan Pedaqoji Xarici Dillər İnstitutunun ingilis dili fakültəsini və aspiranturasını bitirib. Həmin İnstitutda Laboratoriya müdiri, İngilis dilinin qrammatikası kafedrasında müəllim, Xəzər Universitetində kafedra müdiri, Humanitar fakültənin dekanı işləyib. 1993-2005-ci illərdə ABŞ-da magistratura, həmçinin doktorantura təhsili alıb, Ph.D. pilləsini tamamlayıb, magistr elmi dərəcəsinə layiq görülüb. 2003-cü ildən 2014-cü ilə kimi Azərbaycan Dillər Universitetinin İngilis dili fakültəsində dekan vəzifəsində çalışan Əfqan Abdullayev Təhsil Nazirliyində Lisenziyalaşdırma və akkreditasiya sektorunun baş məsləhətçisi kimi, son dövrlərdə isə Elm, ali və orta ixtisas təhsili şöbəsində fəaliyyət göstərib.

Oxumağa davam et
Reklam
Reklam

Gündəm