Pasportları yanmış 9 zəvvar Bakıya qayıtdı

Avtobusları qəzaya uğramış və pasportları yanmış 9 zəvvar keçən gecəni İranın Biləsuvar gömrüyündə qalandan sonra İranın Bakıdakı səfiri Möhsün Pak Ayin-in vasitəçiliyi ilə Bakıya qayıtmağa icazə alaraq ölkələrinə dönüblər.

Əldə etdiyimiz son məlumata görə, Azərbaycan Respublikasının Biləsuvar gömrüyündən keçməsinə icazə verilmədiyi üçün yeni pasport almaq məqsədi ilə Tehrana qayıtmalı olan zəvvarlar nəhayət ki, səfiri Möhsün Pak Ayin-in vasitəçiliyi ilə Bakıya qayıda biliblər. ANS PRESS-in məlumatına görə, İranın Bakıdakı səfirliyi zəvvarlara kompensasiya da ödəyəcək.

Bunda əvvəl bildirilib ki, pasportları yanmış zəvvarlar bu gün Azərbaycan Respublikasının Tehrandakı səfirliyinə gedib yeni pasport istəyəcəklər. Lakin son anda bu məsələ səfir Möhsün Pak Ain-in diplomatic səyi ilə həll olunub.

Qeyd etmək lazımdir ki, dünən Kərbəla və Məşhəd ziyarətindən qayıdan Azərbaycan Respublikası vətəndaşlarının avtobusun Ərdəbil ostanında qəzaya uğraması nəticəsində 6 zəvvar bədən xəsarəti alıb.

Qəza nəticəsində od tutub yanan avtobusdan müsafirlər tez bir zamanda təxliyə olunduğu üçün xoşbəxylikdən digər müsafirlərə ağır bədən xəsarəti dəyməyib.

Hadisə Ərdəbilin Sərçəm cadasında 9-cu və 10-cu tunellərin arasında baş verib./Səhər TV