Qırmızı.az
QHT Şurasının növbəti iclası keçirilib
Bu gün Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının növbəti iclası keçirilib.
Şuranın mətbuat xidmətindən Publika.az-a verilən məlumata görə,
gündəlikdə duran məsələlər haqqında məlumat verən Şura sədri Azay
Quliyev qurumun 2014-cü ilin I rübdəki fəaliyyətinə dair hesabatı,
Resurs və Təlim, Təhlil və İnkişaf şöbələrinin təşkil edilməsi,
Redaksiya-nəşriyyat komissiyasının yaradılması məsələsi haqqında
fikirlərini açıqlayıb.
Şura Katibliyinin icraçı direktoru Fərasət Qurbanov qurumun 2014-cü
ilin I rübü ərzindəki fəaliyyətinə dair hesabatın Şura üzvlərinə
təqdim edildiyini bildirərək sənədin ayrı-ayrı fəsilləri haqqında
ətraflı məlumat verib. F.Qurbanov Şuranın tərkibində yaradılması
təklif edilən Təhlil və İnkişaf şöbəsinin Azərbaycan
Respublikasının qeyri-hökumət təşkilatlarına dövlət dəstəyi
Konsepsiyasına uyğun olan bütün sahələr üzrə araşdırmalar apararaq
Şura qarşısında təkliflərlə çıxış etməsinin nəzərdə tutulduğunu
bildirib.
Çıxış edən Şura üzvləri bu şöbənin bütövlükdə vətəndaş cəmiyyəti
üçün beyin mərkəzi rolu oynaması və fəaliyyət dairəsini
genişləndirməsinin faydalı ola biləcəyini qeyd ediblər. Eyni
zamanda, bu şöbənin dövlətə və vətəndaş cəmiyyətinə hərtərəfli
dəstək ola biləcək proqnozlaşdırma modeli kimi uğurlu ola
biləcəyini deyiblər.
Şura üzvləri bu məsələ ilə bağlı müzakirələrin qarşıdakı
toplantılarda davam etdirilməsini qərara alıblar.
F.Qurbanov Şuranın "QHT nəşriyyatı"nın fəaliyyətini gücləndirmək,
çap məhsullarının məzmun keyfiyyətini və poliqrafik icrasının
vəziyyətini yüksəltmək üçün Redaksiya-nəşriyyat komissiyasının
yaradılması təklifi haqqında da məlumat verib. Komissiyanın
tərkibinin Şuranın "Vətəndaş cəmiyyəti" jurnalının baş redaktoru
Səfər Alışarlı, mətbuat xidmətinin rəhbəri Elməddin Behbud,
qhtxeber.az saytının baş redaktoru Sənan Nəcəfov, Şuranın
hüquqşünası Fərid Rüstəmov və mətbəənin direktoru Rafiq Hüseynovdan
ibarət olması təklif edilib. Müzakirələrdə Şuranın
maliyyələşdirdiyi layihələr çərçivəsində işıq üzü görən çap
məhsullarının nəşriyyat standartlarına uyğunlaşdırlması üçün belə
bir komissiyanın yaradılmasının vacibliyi vurğulanıb.
Şura üzvləri Əliməmməd Nuriyevin "Şəffaflıq Azərbaycan"
Korrupsiyaya Qarşı Mübarizə İctimai Birliyinin icraçı direktoru
Rəna Səfərəliyevanın Şuranın 10 fevral 2014-cü il qərarı ilə
yaradılan "Hüquq və monitorinq" komissiyasının üzvlüyünə qəbul
edilməsi təklifini dəstəkləyiblər.
Şuranın iclasında "Azad Qələmlər" Cəmiyyətinin layihəsinin
maliyyələşdirilməsinə dair qəbul edilən qərar müzakirə edilərək
ləğv olunub.
İclasda, həmçinin QHT-lərin bank hesablarından istifadəsi ilə bağlı
ortaya çıxan problemlərin aradan qaldırılması üçün Mərkəzi Banka
müraciət olunması qərara alınıb.
Şura üzvləri gündəlikdə olan məsələləri geniş müzakirə edərək
ayrı-ayrılıqda səsə qoyaraq qəbul ediblər.
İclasın sonunda Şura üzvü İlqar Məmmədov ölkə Prezidentinin 20
noyabr 2013-cü il sərəncamına uyğun olaraq "Fərdi elektron pəncərə"
məlumat sisteminin yaradılması üzrə Ədliyyə Nazirliyinin həyata
keçirdiyi fəaliyyət haqqında iclas iştirakçılarına məlumat
verib.
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO