Bakı şəhəri, Suraxanı rayonunda ümumi sahəsi 200 kv.m
olan birmərtəbəli 4 mənzildən ibarət yaşayış binasında (arakəsmə və
tavanı taxta konstruksiyalardan ibarət) vətəndaşa məxsus ümumi
sahəsi 80 kv.m olan 3 otaqlı mənzilin 2 otağının yanar
konstruksiyaları və ev əşyaları 40 kv.m sahədə yanıb.
Fövqəladə Hallar Nazirliyindən ANS PRESS-ə verilən məlumata görə,
yanğınsöndürənlər yanğın yerinin kəşfiyyatı zamanı 1989-cu il
təvəllüdlü Sadiq Arazxan oğlu Soltanovun cəsədini aşkar ediblər.
Binanın qalan hissəsi yanğından mühafizə olunub. Alov
yanğınsöndürənlər tərəfindən söndürülüb. Hadisə ilə əlaqədar
müvafiq qurumlar tərəfindən təhqiqat aparılır.
Qeyd edək ki, Sadiq Arazxan oğlu Soltanov “Mizan Tərəzi” qəzetinin
baş redaktoru kimi təqdim olunub və bu qəzetin qadın işçisi bir
neçə gün əvvəl zorlama şikayəti ilə bağlı polis bölməsinə şikayət
etmişdi.
.jpg)
