Qırmızı.az
38 min şagird imtahan verib
Sabah Ağcabədi, Ağdam, Bərdə, Tərtər, Zərdab, Göyçay, Ucar, Kürdəmir, Ağdaş, Yevlax, Ağsu, İsmayıllı, Şamaxı, Qobustan, Quba, Şabran, Qusar, Xaçmaz, Xızı və Siyəzən rayonlarının orta ümumtəhsil müəssisələrinin 9 və 11-ci siniflərində təhsil alan şagirdlər üçün mərkəzləşdirilmiş qaydada buraxılış imtahanları keçiriləcək. Tələbə Qəbulu üzrə Dövlət Komissiyasından (TQDK) Publika.az-a verilən xəbərə görə, qeyd olunan rayonlarda imtahanların keçirilməsi üçün 56 imtahan mərkəzi ayrılıb.
Həmin imtahanlarda iştirak edəcək şagirdlər “imtahana buraxılış vərəqəsi”ni internet vasitəsilə çap edib götürə bilərlər. Buraxılış vərəqəsi ilə yanaşı onlara “Yaddaş kitabçası”ndan çıxarış da təqdim olunur. Burada şagirdlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır.
Həmin gün saat 10-da IX sinif şagirdləri, 15-də isə XI sinif şagirdləri imtahan verəcəklər.
Şagirdlər imtahana "İmtahana buraxılış vərəqəsi"ni; şəxsiyyəti
təsdiq edən sənədin əslini, Azərbaycan Respublikasının vətəndaşları
(16 yaşı tamam olmayan şagirdlər də daxil olmaqla) şəxsiyyət
vəsiqələrini, əcnəbilər şəxsi pasportları və ya icazə vəsiqələrini,
vətəndaşlığı olmayan şəxslər şəxsiyyət vəsiqələrini və ya icazə
vəsiqələrini, qaçqın statusu almış xarici vətəndaşlar və onların
ailə üzvləri isə qaçqın vəsiqələrini, 16 yaşı 2014-cü il aprelin
30-dək tamam olmayan şagirdlər digər sənədlərlə yanaşı, təhsil
müəssisəsi tərəfindən verilmiş arayışı (arayışa şagirdin 3x4 sm
ölçülü şəkli yapışdırılır və şəkil möhürlə təsdiqlənir) ilə
gəlməlidirlər.
Bu imtahanlarda ümumilikdə 38212 şagirdin imtahan verəcəyi
gözlənilir.
9-cu siniflərin buraxılış imtahanında Ağcabədidə
1856, Ağdamda 1207, Bərdədə 2045, Tərtərdə 938, Zərdabda 660,
Göyçayda 1483, Ucarda 919, Kürdəmirdə 1318, Ağdaşda 1340, Yevlaxda
1345, Ağsuda 766, İsmayıllıda 1138, Şamaxıda 1017, Qobustanda 418,
Qubada 1865, Şabranda 648, Qusarda 972, Xaçmazda 1837, Xızıda 177,
Siyəzəndə isə 480 nəfər 9-cu sinif şagirdinin imtahanda iştirakı
nəzərdə tutulur.
11-ci siniflərin buraxılış imtahanında həmin gün
Ağcabədidə 1439, Ağdamda 755, Bərdədə 1533, Tərtərdə 690, Zərdabda
436, Göyçayda 992, Ucarda 712, Kürdəmirdə 927, Ağdaşda 861,
Yevlaxda 1158, Ağsuda 587, İsmayıllıda 845, Şamaxıda 544,
Qobustanda 291, Qubada 1022, Şabranda 415, Qusarda 772, Xaçmazda
1158, Xızıda 123, Siyəzəndə isə 368 nəfər 11-ci sinif şagirdinin
imtahanda iştirakı nəzərdə tutulur.
TQDK həmçinin həmin gün Bakı şəhərində Respublika Olimpiya İdman
liseyinin 9 və 11-ci sinif şagirdləri üçün də buraxılış imtahanları
keçirəcəkdir. Bu imtahanda 84 nəfər 9-cu, 71 nəfər 11-ci sinif
şagirdinin iştirakı gözlənilir.
Qeyd edək ki, orta ixtisas təhsili müəssisələrinə qəbul olmaq üçün
elektron ərizə təqdim etmiş 9-cu sinif şagirdlərinin orta ixtisas
təhsili müəssisələrinə yerləşdirilməsi buraxılış imtahanlarının
nəticələri əsasında aparılacaqdır. Bununla əlaqədar qəbul qaydaları
və qəbul elanı “Abituriyent” jurnalının 3-cü sayında dərc
edilmişdir.
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...