Qırmızı.az
Arif Vəliyev dəfn olundu – FOTOLAR
Bu gecə dünyasını dəyişmiş Dövlət Statistika Komitəsinin (DSK) sədri Arif Vəliyev dəfn olunub.
O, ikinci Fəxri Xiyabanda torpağa tapşırılıb.
Dəfn mərasimində əmək və əhalinin sosial müdafiəsi naziri Səlim Müslümov, müdafiə sənayesi naziri Yavər Camalov, maliyyə naziri Samir Şərifov, səhiyyə naziri Oqtay Şirəliyev, Müəllif Hüquqları Agentliyinin direktoru Kamran İmanov və digər vəzifəli şəxslər iştirak edib.
Dövlət Statistika Komitəsinin sədri Arif Vəliyev 2014-cü il iyunun 22-də, ömrünün 71-ci ilində vəfat edib. DSK A.Vəliyevin həyatı ilə bağlı kiçik statistika açıqlayıb.
Publika.az DSK-ya istinadən xəbər verir ki, Arif Vəliyev 1943-cü il iyun ayının 28-də Ağstafa rayonunun Həsənsu kəndində anadan olub. 1971-ci ildə Azərbaycan Xalq Təsərrüfatı İnstitutunu bitirdikdən sonra dövlət statistika sistemində iqtisadçı, baş iqtisadçı, şöbə müdiri işləyib. 1976-1979-cu illərdə Dövlət Statistika Komitəsi sədrinin müavini, 1979-1989-cu illərdə sədrin birinci müavini vəzifəsinədək yüksəlib. 1990-cı ildən 1992-ci ilədək Dövlət Plan Komitəsində, 1992-1993-cü illərdə Azərbaycan Respublikası Prezidenti Administrasiyasında çalışıb. 1993-cü ildən vəfat etdiyi günədək Dövlət Statistika Komitəsinin sədri olub. İşlədiyi müddətdə çoxsaylı fəxri ad və ordenlərə layiq görülüb.
Komitədən o da bildirilir ki, ömrünün 50 ilindən çoxunu statistikaya həsr edən A.Vəliyev sadə və təvazökar insan olub.
Pərvin Zeynal
Fotolar Elçin Muradındır
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO
-
Yaxın Şərq09:12
İsrail İranı vurdu: görün neft bahalaşaraq neçəyə oldu
-
Hadisə08:07
Qızı ilə Kürdə batan atanın meyiti TAPILDI